صفحة 1 من 2 12 الأخيرةالأخيرة
النتائج 1 إلى 10 من 12
  1. #1
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي دراسة اللغة في ماليزيا ثم الإلتحاق بالبعثة

    دراسة اللغة في ماليزيا ثم الإلتحاق بالبعثة

    اخواني اخواتي <<---- تحس انه بيلقي كلمه في مؤتمر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    في البدايه السلام عليكم
    بعد التفكير القوي والي يصدع بالراس قررت اني اطلع ادرس في ماليزيا لغه انجليزيه 8 شهور وخلصنا الاوراق والطالع بعد شهر وكم يوم
    وعندي كم سؤال وياليت من جد من كل قلبي انكم تساعدوني لاني من جد ابي علم وخبر اكيد

    انا ناوي اطلع هناك وحاب اني ادرس في جامعه في ماليزيا يعني اكمل دراستي ... انا خريج ثانويه عامه ((ادبي)) نسبتي 85% هل استطيع اني ادرس حاسب الالي .....؟ واذا كانت الاجابه لا عطوني تخصصات الموجوده .. ويميل للحاسب الالي اقدر اني ادخله ...؟
    ثاني شي انا طالع على حسابينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي وبيني وبينكم ابي اكون على حساب الحكومه الرشيده بصفتي ((سعودي))
    هل يضموني..؟ وهل فيه ناس ضموهم وهم في ماليزيا ..؟ يعني ابي وانا في معهد الغه اضبط اموري واجيب قبول من جامعه من هناك واخلي اهلي يضبطون الاوراق والموافقه من الوزاره ويرسلونها لي وانضم للبعثه اقدر والا لا ...؟

    وبعدين وش اجيب معي <<--- حلوه وش اجيب معي صح .... من جد وش اجيب معي من اوراق مهمه ..!! يعني احتاجها
    وعندي سؤال شاطح غلط بس مهم بالنسبه لي ..(( انا انسان احب العطورات وعطري المفضلة لازم يخاويني بس سمعت انهم مايدخلون اكثر من 100 ملي...؟
    وتحياتي لكم وادري انكم راح تساعودني والي يبيني اجيبله شي معي يعلمني وابشر من عنوني ..


  2. #2
    طالب مجتهد

    الصورة الرمزية قيصر القصيم

    حالة الإتصال : قيصر القصيم غير متواجد حالياً
    رقم العضوية : 3070
    تاريخ التسجيل : Sep 2006
    المشاركات : 149
    قيصر القصيم غير متواجد حالياً

    Smile


    بسم الله الرحمن الرحيم
    السلام عليكم ورحمة الله وبركاته





    في البدايه أهلاً فيك في بلدك الثاني << لاحظ بلدك الثاني يعني ماراح تحس بالغربه لأن ماليزيا مليانه عرب

    والأكثر من أخوننا اليمنيين << , شوري عليك لا تلعب على أهلك وتقول أنك رايح تغترب للدراسه

    لأني أنا عندي مفهوم غربه من أجل الدراسه إن ما يكون في المدينه اللي أنت تدرس فيها إلا بالكثير 100 عربي

    وبالنسبه لي ماليزيا ما شاء الله فيها العرب أكثر من الشعب الماليزي , لاحظ قلت لك الماليزي

    لأن ماليزيا ثلاث شعوب ماليزيون الأصل اللي هم ملاي , و الشعب الصيني و الشعب الهندي

    لكن كلهم ينسبون على أنهم ماليزيون لأنهم معاهم الجنسيه الماليزيه , ما علينا من هذا كله

    المهم أني أبشرك أنك راح ترتاح وتستقر وتستمتع في أقامتك في ماليزيا ولا راح تنسى أيامك اللي راح تعيش فيها

    لأنها فيها جميع ما يرغبه السائح السعودي , وأكثر الطلبه اللي يجون لي ماليزيا يقتلبون سياح وينسون الغرض اللي

    هم بالأصل جايين عشانه , لكن أول نصيحه أنصحك فيها أنك تكون جاد في دراستك وتختار الأحسن والأفضل

    وتبتعد عن جميع ماهو يعتبر شي تافه وبعيد عن مطلبك, وبالنسبه للتخصصات أنا ما عندي أي إجابه له بأمكانك سؤال

    الأستاذ أبو الوليد أو يفيدك مشرفنا الغالي غصن الرمال , وبما أنك سعودي راح تلتحق بالبعثه لا تخاف لكن عليك

    تختار جامعه معترف فيها وتدرس في إجتهاد وحرص وتحصل على قد ما تقدر عليه من تقدير وترفع أوراقك كل ما حصلت

    على شهاده , لعلى وعسى أن تنطبق الشروط عليك وتلتحق بالبعثه زي الكثير من الطلبه هنا لكن مثل ما ذكرتلك من

    قبل تجيب أفضل النتائج لكي يقبلونك , بالنسبه وش تجيب معك جيب معاك كل شي تقدر عليه لأنك راح تجلس 8 شهور

    وهذي مو بسيطه وبالنسبه لعطوراتك لا تخلي شي منهم ضفهم كلهم وجيبهم معاك ولو يحصل تجيب معاك وحده لي

    هههههههههه ,( أمزح لا تصدق ) مافيه شي ممنوع الدخول فيه لماليزيا يذكر , اللي لازم تجيبه معاك عشان أنك راح

    تفتقده هنا , هو عزبه كامله فيها جميع محتويات الكبسه والقهوه وشاهي ربيع أو لبتون لأن شاهيهم مش ولابد ,

    والنواشف اللي تحبها لازم تمر العثيم وإلا بنده تتقضاء منه وتجيب حق 8 شهور ,

    لأن بصدق أنا تعذبت من ناحية الأكل لأني أنا من الناس اللي ما يحب الفاست فود

    يعني الأكلات السريعه مثل كنتاكي وبرقر كنق مع أنهم أرخص من اللي بالسعوديه بفرق بسيط , بالنسبه للملابس

    ما أعتقد راح تحتاج لأن فيه في ماليزيا خيارات كثيره ممكن أن تشتري من هنا من ظمنهم جميع الماركات

    ولاتجيب معاك إلا صيفي بسسسسس , لأن ماليزيا جوها واحد ما يتغير على طوال السنه يعني مافيه فرق واجد

    ولاتنسى تجيب معاك الثوب والشماغ والعقال والنعال الله يكرمك الزبيريات لأنك عادي تلبسهم ومافيه أي شي

    يدعوا إلى الأستغراب لأن العرب ماقصروا عودوهم على اللبس الخليجي , الأوراق لازم تجيب معاك عدة صور من بطاقة

    الأحوال وصور الجواز وصور لك أربعه في سته ملونه , وصور لشهادة الثانويه والحسن سيره وسلوك مترجمات

    ومختومات من وزارة الخارجيه , ولا تنسى قاموس أطلس وإلا غيره إلكتروني ترا والله يفك أزمات وينفعك في الدراسه

    والاب توب ضروري والكامرا عشان ما تحس ناقصك شي , وأول ماتوصل طلع لك شريحه وكلم أهلك وطمنهم في وصولك

    وروح شف لك مكان تنام فيه , لأنك لما تصحا راح يكون الوظع طبيعي كأنك في ديرتك , لأن ما ناقصك شي بأذن الله

    ولا أوصيك عاد في الصلاة لأن جداً أمرها سهل في ماليزيا ما راح تلاقي أي صعوبات المساجد بكثره ولا لك عذر

    في تأخير الصلاة أو ترك صلاة الجماعه , وهذا كل ماعندي أتمنى أني أفدتك لو بالشي البسيط لأني أنا معتبر جميع

    أعضاء هذا المنتدى أخوان لي ولازم نعينهم ولو بالشي البسيط وتمنياتي ودعائي لك بالتوفيق إن شاء الله

    وتاصل بالسلامه , تقبل مروري
    أخوك / قيصر القصيم

    ------------------------------------------------------------------------------------------------------
    ------------------------------------------------------------------------------------------------------

    أصبح على حبك وأمسي وأنا أغليك 000 وألبس دفاك وأستظل بنخيلك

    ياللي تعلمت الصبر في صحـــــــاريك 000 وأخذت طهري من ترابك وسيلك

    إهدا إلى مدينتي الغاليه / بـريــــده

  3. #3
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي


    الله الله عليكم
    من جد يعطيك العافيه وهذا العشم فكم
    ونعم فيك ونعم في مدينتك بريده
    وننتظر ردود الاخوان


  4. #4
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي


    طيب اخوي قيصر الله لا يهينك ابي تسولفلي عن وين تروح في الويكند هل الاسعار غاليه ..؟
    واذكر الاشياء الي لازم تجنبها هناك والاشخاص الي لازم نتجنبهم ..!!
    وكيف الشعب مع الناس وهل البلد غالي والا لا وكيف طريقت الصرف


  5. #5
    نائب المشرف العام على منتدى إتحاد الطلبة السعوديين, و المشرف العام على مواقع التواصل الإجتماعي لإتحاد الطلبة السعوديين


    الصورة الرمزية حسن الخالدي

    حالة الإتصال : حسن الخالدي غير متواجد حالياً
    رقم العضوية : 1170
    تاريخ التسجيل : May 2006
    الدولة : malaysia
    المشاركات : 2,504
    حسن الخالدي غير متواجد حالياً

    افتراضي


    أخونا قيصر القصيم

    بارك الله فيه وامده بالصحة والعافية
    ماقصر معك ....

    بالبلدي.... اعطاك خلاصة الهرج ....

    ولا تنسانا بعد بالعطور ....قيصر مش لوحدة

    بالنسبة لتخصصك ....بأمكانك ان شاء الله
    تدرس حاسب الى بأذن واحد احد ..
    في جامعة مالتميديا...نسق مع اخونا ابو الوليد
    وان شاء الله ما يقصر معك....

    وبالتوفيق ..........

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي


    يعطيك العافيه يا غصن الرمال وكثر الله من امثالك وبالنسبه للعطورات ابشر بعزك

    وبالنسبه للحاسب الالي ...(( عشقي الاول والاخير )) هل يقبلوني وانا ادبي ...؟ والا يدققون تراي سالفتي سالفه انا
    رحت لمصر لين وصلت عندهم وقالو انت ادبي مانقبلك حاسب رحت للاردن وفريتها فر قالو انت ادبي مانقبلك حاسب
    رحت لجامعاتنا قالو انت ادبي مانقبلك حاسب اخذت دبلوم نيوهورايزن سنتين حاسب (( شبكات )) قالو التعليم العالي طال عمرهم مانقبل دبلومك آآآآآآآه بس يالقهر ......... والي قاهرني اخوياي في امريكا ادبي ويدرسون حاسب وفي استراليا ادبي ويدرسون حاسب ونيوزلندا ادبي ويدرسون حاسب
    هل ماليزيا مثلهم بعد ...((( ياااااااااااارب )))...
    يابو الوليد شكلك انت سفير السعوديه في ماليزيا عيني عليك بارده كل الناس ينتخون فيك وكل الناس يبون مساعتك وانا منهم ساعدني واعطني العلم الاكيد بالنسبه لتخصص ...؟ وبالنسبه يضموني للبعثه والا لا ...؟ وتراني بدرس 8 شهور على حسابي ودافع كل شي بس ابيهم يحنون علي ويضموني للبعثه والله اقل مني راحو قهر قهر ابووك يالواسطه يالله ماعلينا ..الله يعوضنا ان شاءالله ويوفقنا ويوفق كل اخواننا الي مبتعثين


    في انتظارك يابو الوليد .,., لا تبخل علينا بالعلم الاكيد <<---- وش رايك بيت شعر لعيونك


  7. #7
    نائب المشرف العام على منتدى إتحاد الطلبة السعوديين, و المشرف العام على مواقع التواصل الإجتماعي لإتحاد الطلبة السعوديين


    الصورة الرمزية حسن الخالدي

    حالة الإتصال : حسن الخالدي غير متواجد حالياً
    رقم العضوية : 1170
    تاريخ التسجيل : May 2006
    الدولة : malaysia
    المشاركات : 2,504
    حسن الخالدي غير متواجد حالياً

    افتراضي


    ان شاء الله يأتيك الرد في القريب
    العااااجل ...

    وراح اسأل عن تخصصك !!! ان شاء الله


    وبالتوفيق

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي


    يعطيك العافيه اخوي وانا في انتظارك


    واهم شي عندي تكفى هل يضموني للبعثه وانا في المعهد ....؟ يعني اجيب قبول من الجامعه قبول مشروط وانا اكون في المعهد ادرس هل يضموني طال عمرهم للبعثه ....؟
    وياليت ياخوي تقولي هل ماليزيا غاليه في المصاريف ..؟
    يعني كم تكلفك اكل وشرب والسكن بكم تحصله واحكي لنا وانقل الصوره الي هناك في كل شي والويكند وين الروح له وهلهم يتكلمون انجليزي .... يعني هل التعليم فيها كويس


  9. #9
    طالب جديد

    حالة الإتصال : السعوديه غير متواجد حالياً
    رقم العضوية : 6077
    تاريخ التسجيل : Mar 2007
    المشاركات : 39
    السعوديه غير متواجد حالياً

    افتراضي


    للرفع

    ياهوووووووه يالطيبين يالحلوين وينكم


  10. #10
    طالب مجتهد

    حالة الإتصال : نايف القحطاني غير متواجد حالياً
    رقم العضوية : 3334
    تاريخ التسجيل : Oct 2006
    المشاركات : 142
    نايف القحطاني غير متواجد حالياً

    افتراضي


    ان شاء الله يأتيك الرد في القريب
    العااااجل ...


صفحة 1 من 2 12 الأخيرةالأخيرة

المواضيع المتشابهه

  1. رأيي في دراسة اللغة في ماليزيا
    بواسطة nagm في المنتدى ساحة طلبة ماليزيا و دول شرق اسيا
    مشاركات: 63
    آخر مشاركة: 01-05-2010, 03:58 AM
  2. دراسة اللغة
    بواسطة ولد نجد في المنتدى ساحة طلبة المملكة المتحدة و ايرلندا
    مشاركات: 2
    آخر مشاركة: 11-16-2007, 11:54 PM
  3. دراسة اللغة والماجستير في ماليزيا
    بواسطة عمر العريفي في المنتدى ساحة طلبة ماليزيا و دول شرق اسيا
    مشاركات: 3
    آخر مشاركة: 06-16-2007, 08:55 PM
  4. دراسة اللغة في ماليزيا بإختصار
    بواسطة m_o_m في المنتدى ساحة طلبة ماليزيا و دول شرق اسيا
    مشاركات: 3
    آخر مشاركة: 05-28-2007, 07:53 PM
  5. الدراسة على الحساب الخاص في ماليزيا... الإلتحاق بالبعثة + نصائحكم + تجاربكم مطلوبة...
    بواسطة أبوتركي في المنتدى ساحة طلبة ماليزيا و دول شرق اسيا
    مشاركات: 11
    آخر مشاركة: 08-14-2006, 05:53 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator