النتائج 1 إلى 8 من 8
  1. #1
    طالب جديد

    حالة الإتصال : طالب نظامي غير متواجد حالياً
    رقم العضوية : 81790
    تاريخ التسجيل : May 2012
    المشاركات : 7
    طالب نظامي غير متواجد حالياً

    افتراضي مشكلتي مع الدراسه وتوقف سنة كامل ..بسبب .... مأساة طالب "صدقني تستحق القراءة"

    مشكلتي مع الدراسه وتوقف سنة كامل ..بسبب .... مأساة طالب "صدقني تستحق القراءة"

    السلام عليكم ..
    كيف حالكم ان شاء الله بخير ..

    ماني عارف من وين ابتدي قصتي مع الملحق الجديد ..

    انا من طلاب ال msa "طب اسنان" انتظرت اللجنة حالي حال كل طالب سعودي بجامعة ال msa

    لين شرفت اللجنة وطلع قرارهم بمتابعة الدراسة فيها

    طبعا ارسلت كل اسماء الطلبة السعودين "طب اسنان " للمحلق علشان يعتمدوهم ويرجعو الصرف لهم

    ولاكن اسمي ماكان موجود معهم رغم اني جبت لهم اوراق وكنت يوميا اراجع الملحق والمشرف الدراسسي وارويهم اارقي ونتايجي معدلي 3.15 من 4 وكل اموري اوكي ابي اعرف اسمي ليه مو موجود

    يوميا مراجعه ونزله من اكتوبر الى القاهره

    لين جبت كل ارواقي الثبوتيه الي تدل اني طالب نظامي بجامعة msa مع ورقة القبول من الملحق السعودي ..
    قدمة الورقة ل عمر الرشيد

    وقالي صح انت طالب طب اسنان بجامعة ال msa واسمك سقط سهوا
    لاكن!! الورقة هذي كيف جبتها "يقصد ورقة قبولي من الملحقية اني ادرس بجامعة ال msa "

    قلت له اخوي يدرس بمصر ولما قلت له عن نيتي بالدراسه بمصر خلص ااموري وجاب القبول من الملحق ."مع العلم كنت ادرس بالسعودية وما طلعت منها الا يوم جاني قبول رسمي من الملحقية "

    قالي انت معدلك كويس ونظامي وكل شي لاكن المفروض هذي الورقه ما تطلع لان احنى اوقفنا الاعتراف فيها كيف انت جبتها نشوف المحلق وش يقول ويقدر الملحق يسوي لك استثناء "مع العلم بنهاية الورقة ان القبول تم قبل ايقاف الاعتراف وكل التواريخ موجوده"


    قالي لازم ارويها الملحق ..

    دخلت معها للمحلق ..

    وتكلم معاها وقالي الملحق كيف جبت واحنى موقفين الاعتراف ..

    قلت له اخوي قدم عند الملحق الي قبل وجاء القبول والورقه من عندكم ما تركت دراستي الا بعد ما حصلت هالورقة منكم ..

    قالي المفروض هذي الورقة ماتطلع راح يحاسب كل من الي 1 الي حررها 2 الي وقعها 3 انت !!

    Stop سلامات يابوي !!!!

    وش اتحاسبني انا ..
    طبعا كلامه استفزني وحسسني اني مزور الورقه ومو جايبها له مختومه من عندهم وكل شي سليم "طبعا الي موقعها الملحق الي قبله مو هو "

    شوي شدت بالكلام قلت له على اي اساس تقول تحاسبني ؟
    الورقة طالعه من عندك رسمية هذا اولا

    ثانيا انا ما تركت دراستي بالسعودية علشان تقولي احاسبك ما احاسبك حسسيتني اني مزور الورقه ..

    ِشوي وغير من كلامه وحدته وقالي لا انا ما اقصد انت تتحاسب قصدي ابي اعرف كيف طلعت الورقه و و و..
    وقلت له كيف معاي طلاب بنفس دفعتي سعودين ماشية امورهم كيف انا وقفت عليي ..

    قالي لا ذول مسجلين السمستر الي قبل ..

    ياسعادة الملحق لا ذول ربعي سعودين مسجلين ومن ضمنهم بنتين سجلو بعدي بسمستر وجاهم الاعتراف ومشت امورهم ليه انا ..

    لا ذول مسجلين من قبل

    الزبده

    قالي انت كل شي اوكي بس الورقه

    تدخل عمر الرشيد وقاله طيب تقدر ي سعادة الملحق تسوي له استثناء ..

    قاله اشوف ادرس ملفه انا ونقرر ..

    قالي تعالي بعد يومين اكيد انا خلصت الملف ..

    جيت له بعد يومين مشوار ساعتين بهالزحمة .. وانتظر دوري بعد الطلبة ..

    جلست قدامه قلت له انا كذا وكذا قالي اي اي تذكرتك ..

    طيب الملف بدرج المكتب
    وين المفتاح يا سعادة الملحق .. مفتاح المكتب وين

    مايشوفه بجيبه ..

    خبر السكرتير وقاله شوف المفتاح اذا موجود بالسيارة ..

    نزل واخذ له لفة الظاهر على القاهره وراح يتغداء

    وجاء
    والله المفتاح ماحصلته بالسياره ..

    طيب !!

    خلاص تعال بعد بكره لين اجيب المفتاح الظاهر نسيته بالبيت نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    امممم بكره ضارب هالمشوار وبهالزحمة وبالطريق واخرتها المفتاح بالبيت والملف بالدرج ..

    طيب امرنا لله بكره وش اقدر اقول اكثر ..

    جاء بكره وجيت عنده وقالي خلصت دراسة للملف وبرسل لك للوزاره نشوف اذا يقبلو حالتك انك تكمل بالجامعه ولا لا .

    "عمر الرشيد قاله من البداية سوي استثناء ونخلص لا هو طولها مع اني نظامي وكل حاجه بالسليم .. وكان الوالد يتصل عليه من السعودية يكلمه يبي يعرف وش نهاية هالقصه ..

    قاله الوالد طيب يا دكتور ما تقدر تعمل استثناء عمر الرشيد يقول تقدر وتخلص المسالة بثواني "

    رد الملحق بعد ما كلمه الوالد ان ما يبي يعمل استثناء لان ممكن يقولو ماخذيين من بعض "مصاهرين بعض "

    سلامات وش هالكلام الحين عندك طالب معدله 3.15 من 4 .. جالس تقول هالكلام

    لو معدله 1.00 معقوله ..1.50 يعني تنبلع .. لاكن طالب جايب معدل الامتياز هذا ردك له ..

    اوكي امنا بالله ما شكله يبي يساعدنا ..

    طيب انا نرجع شوي لدراسة الملف الي ارسله الملحق للوزاره .. طبعا الصرف موقف من رمضان

    واحنى الان ب نهاية ذو القعده .. راح على الدراسه شهرين ما بقى شي على اختبارات الفاينل ..

    كل مره انزل للملحق وش صار قالي الى الان ما جاء رد ..

    بعد يومين هالسعادة الملحق وش صار على موضوعنا الدراسه ماشيه .. ابي اخلص اموري يرحم امك


    بعد اسبوع .. اسبوعين .. "طبعا طول الوقت الوالد يتصل يسال وش صار على الموضوع "

    ها يا دكتور بشر جاء شي .. لا الى الان ما وصلنا رد ..

    من التعب قمت ارسل له رسايل على البوابة ابي اعرف وش صار .. نفس الرد .. ما جاء شي بس في شي جديد بالرساله ..

    الملحق :الى الان ما وصل شي طيب يا .... ليه ما تغير الى جامعة حكومية مثل جامعة القاهر او تغير دولة ابتعاث مثلا امريكا او اليابان او ماليزيا او كندا ..

    صدقني امورك راح تخلص بسرعه باذن الله ..

    "الظاهر ما يبي اكمل دراستي ب msa " ادفع رسوم السمستر وان شاء الله راح تجي وراح تتعوض طيب فرضا ما جات ورقت الاعتراف الي تخلصني تضيع عليي الرسوم وانا راح اغير الجامعه ويمكن اغير بلد بس ارمي فلوسي بشي مو مضمون
    طيب ي دكتور والدراسه الي درستها .. ما راح تتعادل .. اي ما في معادلة من خاصة الى حكومية

    اوكي على ما الورقه تطلع من الوزاره اخذ انا اوراقي واحاول اشوف موضوع جامعة القاهره ..وارجع الملحق ..

    رحت للملحق وقلت له سعادة الملحق الحين كيف لو ابي احول على القاهره قالي روح للشخص الفلاني .. عندهم امور التحويل وكذا ..
    انتظرت لين وصل
    قلت له انا كذا كذا عندي مشكله وبحول من ال msa الى القاهره ...

    قالي اول شي كم نسبتك بالثانوية وكم معدلك بالجامعه هالي تبي تحول بنفس التخصص ..

    قلت له يا طويل العمر انا متخرج بتقدير ممتاز .. معدلي بالجامعه 3.15 من 4 ..

    شاف ان اموري اوكي قالي لازم تجيب طلب من الجامعه بالبداية علشان اجرائات التحويل ..

    قريب يخلص السمستر الاول ..

    قلت خلاص يا .. مالك الا تحول القاهره ..

    اول فلان الفلاني شخبارك وش مسوي عساك بخير

    صاحبي.. الحمدلله تمام..

    انا:باسلك الحين ابي احول على جامعة القاهره كيف وش المطلوب مني ..

    صاحبي : التحويل الى جامعة القاهره ما يجي بين السمسترين .. نظام جامعة القاهره نظام سنوي

    انا:@@ طيب يعني مقدر الحين !!

    صاحبي : لا ما تقدر ..

    انا: مشكور ما قصرت .

    ارسلت للملحق كيف احول الى جامعة القاهره والنظام فيها سنوي ..

    رد الملحق :

    والله ما كنت ادري ان نظام جامعة القاهره نظام سنوي ..اشتبهت عليي الامور ..

    كيف تعطيني امل بالنهاية يطلع كله سراب .. امرنا لله ..

    رجعت لموضوع ال msa على امل اني اخلص هالموضوع ..

    يا سعادة الملحق وين وصلت هل خلصت الورقة الي بالوزاره ..

    لا والله الى الان ما جاء الرد ..

    طيب "بيني وبين نفسي وش لي بجلست مصر خلني انزل الرياض اشوف رزقي واتحرك للورقة اشوف و قصتها مو جاية تمشي لها اكثر من شهر ..

    نزلت للسعودية وكنت اضرب مشاوير من الشرقية الى الرياض ..

    رحت ارجعهم يا جماعة في ورقة من الملحق جاية وش صار عليها ..

    لا والله ما جانا شي من الملحق هذا الاوراق الي انرسلت ..

    انا: نعم !!!

    كيف وهو يقولي ارسلت الورقة وينتظر الرد منكم ..

    والله هذا الي عندي بالجهاز ..

    طيب مشكور ..

    الوالد : السلام عليكم د. خالد شلونك عساك بخير ..
    الملحق : وعليكم السلام هلا بو فلان ..
    الولد : دكتور خالد راجعنا الوزاره .. ويقولو ما وصل لهم شي من الملحق
    الملحق : الا ارسلنا وهذا ننتظر جوابهم وانا اتابعهم ..

    ...
    مره مرتين الى الوزاره ..

    وش الوضع وش القصه نبي نخلص هالموضوع عطونا حل ..

    انتظرنا الورقه بعد ما يقارب الشهرين .. بالنهاية نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي جاء عدم قبول من الوزاره ولازم احول على جامعة حكومية او اغير بدل الابتعاث

    انا < نفسية زفت تعبنا بالدراسه واخرتها محد يراعي مع ان كل اوراقي والله العظيم رسمية ..

    وعملت منهم نسخه واخذت لي كاس كبير بارد مع شوية ثلج .. ونقعت كل الاوراق من ورقة القبول و شهادة القيد و كشف الدرجات وجلست اشرب من الماي .. الي لو طول عمري اشرب منه ما اراح يرويني لان حق الطالب ضايع ..


    سنة وضاعت من عمري غير سنيين الدراسه ..

    سنة جالس بالبيت مع اني من المتفوقين .. لاكن حسبي الله على من كان السبب في تاخر دراستي ..

    سنة كاملة بضغوط نفسه .. ذهن مشوش بين تغير الى جامعة حكومية او تغير بلد الابتعاث ..

    سنة كامله ضاعت وانا حاط يدي على خدي لا ملحق يساعد ولا وزاره تساعد .. مع ان اموري كلها رسمية بس وقفوها بنفسهم ..

    القبول جايبه من الملحق الي قبلك .. يا سعادة الملحق جاي تبي تصير نظامي وتقولي كيف جبت الورقه .. مو جايبهم من الي قبلك وكل اموري اوكي ..

    ودرست بالجامعه سنة كاملة محد قال شي ..

    تجي توقفها يا سعادة الملحق

    يا سعادة الملحق ما قدرت الا على الطلاب .. وانت كل يوم والثاني ابنائي و ابنائي .. ما في اب يحاول ينحر ولده بنفسه ويعطل امور دراسته

    ما سمعت بالمقوله الشهيره " قطع الاعناق ولا قطع الارزاق "


    شكرا سعادة الملحق على مساعدتك .

    الان بعد سنة من المعانة انتظر شهر 6 لكي ارجع الى مصر

    لبدا معانة جديده مع التحويل الى جامعة حكومية ..

    لا اعرف ما هي الطريقة بالتقديم ..

    لا اعرف هل ادرس نفس تخصصي ام لا ..

    ياريت اي شخص يعرف طريقة التحويل او الدراسة بجامعة القاهره يعطيني خبر

    أو يرسل لي رقمه على الخاص وراح اتصل واكلمه علشان يعلمني كل الخطوات ...


    صرت اكرر "كل تأخيــره وفيــــها خيــــره "


    و ما انسى قول الله تعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)


    اسف على الاطاله

    لكم ودي

    التعديل الأخير تم بواسطة طالب نظامي ; 05-17-2012 الساعة 07:01 AM

  2. #2
    مشرف ساحة جمهورية مصر العربية

    الصورة الرمزية جبران اليامي

    حالة الإتصال : جبران اليامي غير متواجد حالياً
    رقم العضوية : 10231
    تاريخ التسجيل : Jun 2007
    الدولة : cairo
    المشاركات : 880
    جبران اليامي غير متواجد حالياً

    افتراضي


    لا حول ولا قوة الا بالله

    ياخي على حسب كلامك انت كل شي سليم والورقه موقعه من الملحق السابق

    انت كذا امورك منتهيه المفروض يوم رحت الوزارة ما تطلع من عندهم الا بعلم اكيد

    وسعادة الملحق الوهيبي المفروض طالما امورك في السليم يعمل استثناء طالما انه لا يوجد الا انت

    ولكن ياعزيز انت لست الوحيد الذي يشكي من سعادة الملحق ,,

    نفسي اعرف وش يحس فيه الملحق لما يشوف الطلاب يعانون وينذلون عنده ؟؟

    صدقوني نفسي اشوف ولد الملحق يتمرمط عند احد المسؤلين وش ردة فعله ؟؟

    على العموم الله يكتب لك الي فيه الخير


    [align=center]نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [/align]

  3. #3
    طالب جديد

    حالة الإتصال : طالب نظامي غير متواجد حالياً
    رقم العضوية : 81790
    تاريخ التسجيل : May 2012
    المشاركات : 7
    طالب نظامي غير متواجد حالياً

    افتراضي


    قال الله تعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)

    مو ي اخ جبران رحت للوزاره ..
    اكثر من مره وكل كلامهم ما في اي ورقة جاتهم بمصر ..

    على ايش اراجع يقولو المشكله من مصر مو منا الملحق هو الي يخلصها ..


    المفروض دام مافيه الا انا دقق عليها الاخ عمر الرشيدي وعمل فيها الفاهم الي يتابع الاوراق ..

    وين راحو كل دفعتي السعودين الي داخلين ليه ما صار لهم مثل الي صار لي ولا شغلت اثبت وجودي عند الملحق اني شفت طالب اوراقية يمكن مو نظاميه وبعمل فيها نظامي عليه

    الملحق من البداية لو يبي يساعدني ساعد وعمل استثناء مو يجلس يتحجج وبكلام ما يقوله شخص يقول لطلب ابنائي وابنائي

    طيب ابنائك لا تجلس تحاول تدقق وتبي تصير الملحق والمشرف الدراسي وكل شي يدخل الملحق لازم يمر على مكتبك

    طيب مو الوحيد والحل يعني .. انا حسيت ان احنى مجمع بزارين بمصر

    الواحد مدري يلاقيها من الغربة ولا الدراسه ولا الملحق الي كل يوم مطلع لي نظام جديد مدري وش الفايده منه

    نفس السوال مدري وش يحس فيه لما يشوف الطلبة يعانو وينذلو ..

    مايدري ان الله فوق ويعرف كل كبيره وصغيره


    مستحيل احد من اولاده يتمرمط عند احد

    هو لو مجربها من قبل كان عرف حرقة القلب الي تصير للشخص ..

    بس دام ابنائك يا سعادة الملحق بالسليم وكل امورهم تمشيهم بالتصال ..

    ف عيش

    والله موجود فوق ما ينسى عبييده

    يمهل ولا يهمل



    لكم ودي


  4. #4
    نائب المشرف العام على منتدى إتحاد الطلبة السعوديين


    الصورة الرمزية احمد الحربي

    حالة الإتصال : احمد الحربي غير متواجد حالياً
    رقم العضوية : 7701
    تاريخ التسجيل : Apr 2007
    الدولة : اكتوبر
    المشاركات : 2,535
    احمد الحربي غير متواجد حالياً

    افتراضي


    لا حول ولا قوة الا بالله

    الله يعينك

    :
    :
    :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    طالب مجتهد


    حالة الإتصال : ابورزان غير متواجد حالياً
    رقم العضوية : 61187
    تاريخ التسجيل : May 2010
    الدولة : taif
    المشاركات : 382
    ابورزان غير متواجد حالياً

    افتراضي


    الملحق الوهيبي من الناس الطيبين الملتزمين واختياره ماصدر من فراغ
    واللي يقولك الملحق هو اللي يعقد أمور الناس هذا شخص لايفهم أبدآ
    أكثر الاجرات تأتي أوامرها من الرياض حسب الاحداث وموضوعك يحتاج منك
    روحه بسيطه للرياض وستكتشف بأن الملحق ينفذ اوامر النعليم العالي
    بادر با الذهاب للجنة الابتعاثات التي لديها التقييم والاوامر وانشاء الله تنجح في أخذ الموافقه
    تحياتي


  6. #6
    طالب جديد

    حالة الإتصال : طالب نظامي غير متواجد حالياً
    رقم العضوية : 81790
    تاريخ التسجيل : May 2012
    المشاركات : 7
    طالب نظامي غير متواجد حالياً

    افتراضي


    ^
    اخوي الظاهر انك نايم بالعسل ..

    ملتزم على عيني وراسي ..

    لاكن انك تقول ان الملحق ما يعقد الامور والي يقول يعقد يطلع انسان ما يفهم ..

    ترى انت الي ما تفهم مو احنى

    ومن قالك ما راحنا الرياض ..

    ياخي اذا ما قريت الموضوع لا تجي تتفلسف هنا ..

    قلت بالموضوع اني رحت للرياض وقالو معاملتك عند الملحق هو الي يقدر يخلصها ..

    و مو بس انا الي يقول هالكلام .. اغلب الطلبة عندهم مشاكل بالملحق وسببها تعقيده للمشاكل


    ياليت الي عنده تعليق يقرا الموضوع بالاول ..


  7. #7
    طالب مجتهد


    حالة الإتصال : ابورزان غير متواجد حالياً
    رقم العضوية : 61187
    تاريخ التسجيل : May 2010
    الدولة : taif
    المشاركات : 382
    ابورزان غير متواجد حالياً

    افتراضي


    اقتباس المشاركة الأصلية كتبت بواسطة طالب نظامي مشاهدة المشاركة
    ^
    اخوي الظاهر انك نايم بالعسل ..

    ملتزم على عيني وراسي ..

    لاكن انك تقول ان الملحق ما يعقد الامور والي يقول يعقد يطلع انسان ما يفهم ..

    ترى انت الي ما تفهم مو احنى

    ومن قالك ما راحنا الرياض ..

    ياخي اذا ما قريت الموضوع لا تجي تتفلسف هنا ..

    قلت بالموضوع اني رحت للرياض وقالو معاملتك عند الملحق هو الي يقدر يخلصها ..

    و مو بس انا الي يقول هالكلام .. اغلب الطلبة عندهم مشاكل بالملحق وسببها تعقيده للمشاكل


    ياليت الي عنده تعليق يقرا الموضوع بالاول ..


    حبيبي لاتقعد تتفلسف إنته .. المشكله ماهي في الورق غيرك كثير ورقه ناقص ومشيت اموره
    المشكله يابابا فيك إنته إنته منته مزبوط التقارير عنك غير طيبه .. وياليت مايكثر
    دليناك على الطريق وأنته شكلك تبغى تسوقها علينا.. وبعدين لما أنته نظامي تخبي إسمك ليه .. ليه ماتقول انا فلان وابويه فلان
    ليه اللف والدوران


  8. #8
    طالب جديد

    حالة الإتصال : طالب نظامي غير متواجد حالياً
    رقم العضوية : 81790
    تاريخ التسجيل : May 2012
    المشاركات : 7
    طالب نظامي غير متواجد حالياً

    افتراضي


    واذا خاطبك الجاهلون ف قل سلامه

    انت جاي تتفلس علينا ولا وش قصتك ؟

    مسوي فيها يعني انا الفاهم والذكي

    اول حاجه روح تعلم كيف تكتب بعدين تعال تكلم يا حبيب الماما

    لا انت ولا اشكالك تدلني على الطريقه فهمت ي قلبي

    لا تجلس تسوي فيها الفاهم وانت من جنبها
    ياخي ابلع العافيه

    ولما انا نظامي لازم اظهر اسمي الله يخلف عليك اجل

    يا ورع انت جاي باسمك واسم ابوك صح .. صدق شر البليه مايضحك

    وبعدين اجي باسمي ولا اسم جدي ولا اسم مستعار هذا شي راجع لي مالك دخل فيه.

    اقولك ابلع العافيه ولا تجي تتفلسف هنا

    عاجبك الموضوع علق

    مو عاجبك احتفظ بردك لك


    وتعلم اكتب بعدين تعال اوكي بيبي


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator