نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي--------------------------------------------------------------------------------

السلام عليكم ... انا اياس الحربي متخرج من الثانويه بدرجه فاشله او درجه ماتاهل لبدا حياه جديده مو قصور مني ولاكن مرة علي ضروف نفسيه ابعدتني عن الدراسه وانا الان شغال في محل ستار بكس للقهوه واشوف كل الي حولي راح بحياته وانا لسا زي ما انا حاولت اقدم على الجامعات الي بالسعوديه ولاكن حدث ولا حرج ولا حياة لمن تنادي ما احد قبلني وحاولت اقدم بالسلك العسكري وانتم عارفين ما يحتاج اتكلم ولا كن لاتعليق وربي وجاتني فلوس من الله وقلت خليني اخليها عندي يمكن احتاجها بشي وفعلن جاني اليوم الي صحيت فيه او اقرب الناس لي حاول يحمسني او يعطيني دافع اني ابتعث للخارج وطرحة الفكره لاهلي والحمد لله رحبو فيها وشجعوني وانا ابغاء ابتعث برا وصرة زي الحرمه الي مضيعه عيالها كل يوم على النت ابحث وادور وهذا يوديي يمين وهذا يسار انا ابي ابتعث برا ابغاء اخذ لغه لمدة سنه وبعدينه بطلع الاردن وادرس هندسة طيران ادري حلمي كبير ولاكن ما دام اني صبرت لازم اصبر على شي دسم ودورة بالنت لين طقيت وهذا يقولي شمال وهذا جنوب وضعة لدرجة اني كلمة شركات السفر وصار كل شويه مندوب بكلمني مصو دمي مدري ويش اسوي ضعة والمشكله ان الجميع يقول تبي تروح ساعد نفسك وانا عمري 23 سنه ادري كبير وواعي لاكن بذمتي ما اعرف شي ابي اعرف وين ادرس بريطانيا او كندا وكم تكاليف السفر وكيف المعيشه وكيف تعقيدات السفر والجواز والوزاره الخ ارجوكم واحد يوجهني ويمك يدي ويساعدني ويبقى معي خطوه بخطوه ارجوكم ارجوكم مالي الى الله وانتم انا لو جلست هنا راح اضيع وربي البيئه الي حولي سيئه ولو كملة هنا وربي ما راح اصير ولا شي راح اكون انسان عادي وانا وربي شايف بنفسي شي كبير مو غرور لا وربي ولاكن اعتزاز ونفسي ارفع راس امي الى بقت لي ارجوكم ارجوكم حلمي الابتعاث واسف على الاطاله ولاكن اخيرا قدرة اطلع الي بقلبي