النتائج 1 إلى 4 من 4
  1. #1
    طالب جديد


    حالة الإتصال : يــاســر غير متواجد حالياً
    رقم العضوية : 18887
    تاريخ التسجيل : Nov 2007
    الدولة : برزبن
    المشاركات : 13
    يــاســر غير متواجد حالياً

    افتراضي ترغب بالابتعاث لأستراليا المقفلة ولا تنطبق عليك شروط البرنامج؟ إليك أسهل الحلول

    ترغب بالابتعاث لأستراليا المقفلة ولا تنطبق عليك شروط البرنامج؟ إليك أسهل الحلول

    ترغب بالابتعاث لأستراليا المقفلة ولا تنطبق عليك شروط البرنامج؟ إليك أسهل الحلول!



    للأسف لم تفتح أستراليا للابتعاث للمرحلة السابعة كما توقعنا وسمعنا. والأنكى من ذلك أن شروط الابتعاث تغيرت وازدادت صرامة. صار الكثير منا شبه فاقد الأمل في الابتعاث وصارت الشغلة تضيق الصدر بعد كل الحماس اللي كان بالواحد. بصراحة حاولت أفكر بحل خصوصا وإننا نعرف إن نظام الانضمام للبعثة للدارسين على حسابهم الخاص ما زال مفتوح حتى على الدول المستثناة من المرحلة (ماعدا بريطانيا على ما أعتقد). الناس تطلع شهر أو اثنين وإن كثرت أربع أو خمس وتنضم رغم إن ذلك ليس مطابق لنظام الابتعاث اللي يقولك خلص اللغة وانهي ترم في الجامعة بتفوق بعدين قدم على الابتعاث (الله لا يغير عليهم عادة وشكرا لأبو متعب على أوامره ومكرماته واستثناءاته)). فكرت قبل ما اكتب هالموضوع كثير وإذا فعلا أنا راح أكون جاي بشي جديد ولا لا. استشرت واستخرت ومالت نفسي إني ما أبخل على أخواني بشي حتى لو ما كان جديد لبعضهم وأشاركم باللي عندي. وعشان ما يجيني أحد ويقول ما جبت شي جديد (وإن جاء إن شاء الله ما يكونوا كثيرين) راح أضيف شي للطريقة أنا متأكد إن الكثير ما سمع فيه ولا انعرض له فيما سبق. هذا الشيء راح أنا أقدمه حصريا وأنا شبه متأكد إن ما أحد سبقني له بإذنه تعالى.



    مثل ما ذكرت فإن برنامج ضم الدارسين على حسابهم الخاص للبعثة ما زال مفتوح حتى في أستراليا. أغلب المتوجهين لها البرنامج هم اللي ما انطبقت عليهم الشروط بس ودهم في الابتعاث. أكيد المحك الرئيسي هو التكلفة المادية وبالعربي كم الشغلة راح تكلفني إلى ما انضم. عشان تسهل الحسابات خلينا نضع متوسط إنك راح تنضم بإذن الله للبعثة خلال الأربع شهور الأولى وهو المتوسط وإنك راح تسكن عند عائلة في هذه الفترة. طبعا 95% من الشباب بيحتاج دراسة لغة إنجليزية في البداية وهذا هو مربط الفرس.



    لو جاك واحد وقالك الحسبة كالتالي بالدولار الأسترالي:



    16 أسبوع لغة إنجليزية تكلفك 5440$


    تأمين طبي إلزامي لمدة أربعة شهور تكلفك 130$


    قيمة الكتب ورسوم التسجيل 360$


    الاستقبال من المطار 100$ ورسوم التسجيل لدى عائلة 200$


    السكن لدى عائلة لمدة 16 أسبوع شاملة الفطور والعشاء أيام لأسبوع والثلاث وجبات بعطلة نهاية الأسبوع 3680$


    المجموع بيكون 9930$ وزيد عليه 200 دولار في الأسبوع (لمدة 16 أسبوع) مصاريف نثرية (جوال، وجبه مع الشباب، سينما، باص) بيكون المجموع النهائي 13130$ يعني بالريال السعودي بسعر الدولار الأسترالي اليوم 49980 يعني 50000 ريال سعودي وزد عليها 10000 ريال تذكرة ورسوم تأشيرة ووفحص طبي أي 60000 ريال.



    ببساطة إذا الدولة تصرف عليك ما يقارب المليون ريال سعودي كمبتعث للبكالوريوس وتقريبا أقل منها بشوي للماجستير ومثلها للدكتوراه وقلتلك عشان تحصل على هالبعثة لازم تدفع 60000 ريال ما تشوف إن الشغلة تستاهل؟! أنا بصراحة وبنظرتي المتواضعة ولقيمة الشهادة والأهم منها تجربة الابتعاث بالكامل راح أقول تسوى ونص. لاحظ إنك يمكن ما تكمل الأربع شهور أصلا وتجيك البعثة وبالتالي ماتكون صرف الستين ألف كلها وإن صار وما جت فإنت مخير ما بين إنك تمدد دراستك وتدرس وتستفيد إلى ما تجي أو تقول قضت فلوسي وأنا راجع السعودية وبما إني فتحت ملف أبنتظر هناك إلى ما يردون علي على موضوع البعثة. طبعا هذه الطريقة (يجي الواحد ويدرس 3-4 شهور وبعدها يرجع البلد ينتظر إلى ما تجي البعثة) ناس كثير تسويها وعلى أساسها حصلت على البعثة وما أدري إذا الكل يعرف هالشيء بس هذه أحد أسهل الطرق.



    بيسألني واحد الحين ويقول وش يضمني؟ الحقيقة إنه مافي شي مضمون ويمكن بكره أحد يصحى بالوزارة ويقول راح نطبق نظام الانضمام للبعثة للدارسين على حسابهم الخاص بحذافيره وما أحد ياخذ البعثة لين ما يخلص إنجليزي ويبدأ دراسته الجامعية. ولكن في نفس الوقت خلينا نكون أذكياء، من يوم ما بدأ برنامج الابتعاث وهذا النظام ما طبق واستثناء الملك بإن أي أحد يطلع على حسابه الخاص يضم للبعثة في أقرب وقت (هذا غير مكرماته الله يخليه لنا) هي اللي ما خلت النظام يطبق. طيب إذا البرنامج باقي فيه أربع مراحل (بعد ما خلص ست) فإن احتمالية استمرار الاستثناء أعلى من احتمالية تطبيق النظام. ولكن خلينا نقول حصل وطبق النظام فإحنا ساعتها بخيارين، إما نكمل إذا إمكانياتنا المادية تساعد إلى ما نستوفي شروط البعثة أو نرجع ونقول الحمدلله قضينا أربعة شهور حسنا فيها لغتنا واتعرفنا على بلد وناس جديدين والمحصلة إننا استثمرنا في أنفسنا!!



    إذا اتفقنا على هالنقطة أكيد بيجيني واحد ويقول وين الجديد ووين عرضك اللي ما يتفوت!! وساعتها بأجاوبه وبأقول هاك التالي:



    المعاهد في أستراليا ملزمة قانونيا بإنك تدفعلها كامل الرسوم الدراسية إذا كانت مدة الدراسة أقل من سنة وبعضهم 6 أشهر حسب نوع الرخصة. يعني إذا شلنا آخر 12 أسبوع من السكن عند العائلة ودفنا فقط الأربع أسابيع الأولى كعربون وبعد كذا كل شهر بشهره أي 920$ بالشهر، يكون لازم تحول للمعهد عشان تحصل على التأشيرة الدراسية 13130 – 2760 = 10370$ أي ما يعادل 39400 ريال سعودي. طبعا الـ2760$ هي قيمة الـ12 أسبوع الأخيرة من السكن عند العائلة واللي مثل ماذكرت راح تدفع منها كل شهر 920$. أنا بصراحة ما زلت أشوف إني أدفع 39400 ريال دفعة وحدة يعتبر مبلغ كبير ويمكن يهز ميزانيتي!!



    بعد هذه المقدمة، عرضي اللي أنا أشوفه حصري وحسب علمي ما أحد سبقني له وميزته إنه غير مرهق ماديا على المدى القصير هو إني توصلت لاتفاقية مع معهدين في مدينة بريزبين في أستراليا (وإن شاء الله عن قريب في مدن ثانية) إنهم يخلونكم تدفعون الرسوم الدراسية على قسطين، واحد قبل ما توصلون وواحد بعد انتصاف المدة أي بعد 8 أسابيع. الفايدة لكم راح تكون كالتالي:



    ü ما أرهقت نفسك أو والديك ماديا بمبلغ كبير يدفع دفعة وحدة


    ü ممكن تجي البعثة بعد أول شهر أو شهرين وساعتها مانت مضطر تدفع الدفعة الثانية وتقدر تسترد ما تبقى من الدفعة الأولى


    ü أعطيت نفسك الفرصة بإنك تحصل على البعثة مثلك مثل غيرك من غير لا شروط ولاتحكم ولادولة مقفلة ولا يحزنون



    وحسبة الشغلة راح تكون كالتالي (طبعا رسوم الكتب والتسجيل والتأمين والتسجيل لدى عائلة واستقبال المطار أاول شهر عند العائلة تضاف للقسط الأول):


    القسط الأول (قبل السفر): 4440$ = 16870 ريال


    القسط الثاني (بعد 8 أسابيع): 2720$ = 10330 ريال


    من ثاني شهر راح تدفع للعائلة 920$ بالشهر ومثل ما اتفقنا مصروفك 200$ بالأسبوع يعني 920+800 = 1720$ بالشهر يعني 6500 ريال قيمة السكن ومصروف الجيب. طبعا ممكن تعيش بـ150$ بالأسبوع بدل 200$ كمصروف جيب بس أنا ما حبيت أضيق على أحد.



    طبعا زي ما قلنا خلينا نحط سعر تذكرة ذهاب وعودة 6000 ريال وقيمة استخراج الفيزا والفحص الطبي 3250 ريال يعني المجموع الاحتياطي اللي لازم يكون عندك هو حول 60000 ريال سعودي.



    بيجيني واحد يقول طيب ليش لازم 4 شهور ليش مو شهر وافتح ملف وأمشي؟


    الجواب سهل جدا. الحركة هذه ما تنفع لسببين الأول إن الملحقية تبغى تشوف واحد جاد جاي يدرس ولو علي بأقول خلوها 6 أشهر مو بس 4 لإثبات مصداقية الطالب وجديته في أمر البعثة. الثاني إن الملحقية تطلب صورة التأشيرة الدراسية عند فتح الملف وما تقبل تأشيرات سياحية لفتح ملف دارس على حسابه الخاص والنظام الأسترالي يقول إن اللي بيدرس أقل من ثلاث شهور يعطى فيزا سياحية مو دراسية!



    يمكن واحد يجي يقول أكيد في عنصر مخاطرة بالموضوع أو شيء لازم افتح عيني عليه وبأقوله نعم فيه.


    الأول إن يمكن البعثة تتأخر أو ما تجي بس برضه بأقوله ارجع لكلامي في هالموضوع فوق وأزيده وأقول إن أنا لي خمس سنوات بموضوع الابتعاث والقبولات وما شفت أحد ما انضم في أستراليا!! الشيء الثاني وهو أهم شيء إني مثل ما قلت المعهد ملزم قانونيا من قبل إدارة الهجرة بإلزام الطالب بدفع جميع الرسوم قبل وصوله لأستراليا وتعاون المعهد معنا من خلال هذا العرض (واللي فيه نوع من المخاطرة له) لايعني استغلاله. المبالغ المدفوعة غير مستردة إلا بعذر قاهر كمرض أو وفاة (فلوسي قضت ماهو عذر لإن الأساس إنك مفروض تكون دافع المبلغ كامل من البداية) والقسط الثاني إلزامي وإن ما دفعه الطالب فالمعهد ملزم بإلغاء تأشيرته وحرمانه من دخول أستراليا والدراسة فيها لفترة خمس سنوات وفي أحيان أكثر. يعني وبكل أمانة اللي يبغى يستفيد من هذا العرض لازم يكون لديه الملائة المادية الكافية والالتزام الأدبي الكامل لشروط هذا العرض وذلك منعا لأي إحراج.



    واحد من الشباب بيجيني ويقول بس اللي أنا أعرفه إني ما أقدر أقدم على الملحقية لفتح ملف إلا ومعي قبول جامعة مو بس معهد وساعتها بأقوله كلامك أصح من الصحيح ومين قالك إني أنا راح أجيبلك قبول معهد بس. ربي إن شاء الله بيوفقني وأجيب لك قبول المعهد والجامعة بالتخصص اللي تبغاه شرط إنك توفر لي جميع أوراقك ومستنداتك المطلوبة للتقديم وابشر بسعدك. عموما هذه أمور نقدر نناقشها بالتفصيل مع اللي جادين في الاستفادة من هذا العرض.



    نهاية أتمنى إني أكون قدمت شيء جديد لكم وغير عن كل العروض اللي سمعتوا فيها وأنا ما عندي مشكلة يجي بكره واحد أو عشرة ويعرضون نفس العرض بعد ما يشوفه بس ثقتي فيكم إنكم راح تقدرون إني أنا أول من تعب نفسه وجابلكم هالعرض وشرحلكم إياه بالتفصيل الممل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    دقيقة دقيقة، تو جاني واحد قبل ما أرسل الموضوع وسألني وش فايدتك من هالكلام معليش لا تسوي فيها إنك بتذبح نفسك عشان الشباب. جاوبته بكل أريحية وقلتله أنا ما ذبحت نفسي ولا راح أذبح نفسي عشان أحد. انا إنسان أؤمن إن كل واحد له حق بالابتعاث وإن دائما كل مشلكة أو معضلة أو عقبة لها حلول يمكن تجاوزها وما يمنع إني انا أكون سبب في ذلك ويكافئني عليها ربي بمساعدتي للشباب وبدعاء الشباب لي ويزيدني من خيره بإن المعهدين اللي وقعت معهم هالاتفاقية يكافئوني ماديا لأني سوقت لهم وللعرض الخاص اللي أقنعتهم يقدمونه. وعلى فكرة ترى المعهدين هم مو بس أفضل معهدين في برزبين... لا هم أفضل معهدين في نصف الكرة الجنوبي حسب تصنيف مجلة إل تي إم العالمية المختصة بتصنيف معاهد اللغة حول العالم. سألته في شفافية أكثر من كذا تحتاجها مني؟.....الرجال حمر وجهه وتلخبط ومشى!!!!


    للحصول على قبول في استراليا في جامعات معتمده

    بدون اي رسوم


    تستطيع مراسلتي من اجل الطلبات على هذا الايميل

    yasser.alghamdy@gmail.com


    yasser.alghamdy)at(gmail.com


    ياسر الغامدي

    التعديل الأخير تم بواسطة يــاســر ; 08-13-2011 الساعة 07:58 AM

  2. #2
    طالب جديد

    حالة الإتصال : فوفووو غير متواجد حالياً
    رقم العضوية : 78780
    تاريخ التسجيل : Aug 2011
    المشاركات : 1
    فوفووو غير متواجد حالياً

    افتراضي


    الف الف شكر لك اخوي

    استفد من كلامك كتيرررر

    ربي يوفقك ويوفقنا جميعا


  3. #3
    طالب جديد
    الصورة الرمزية م.الجوهرة

    حالة الإتصال : م.الجوهرة غير متواجد حالياً
    رقم العضوية : 79141
    تاريخ التسجيل : Sep 2011
    المشاركات : 2
    م.الجوهرة غير متواجد حالياً

    استفسار2


    طيب كلامك سليم لكن إذا معي شهادة الأيليتس بمعدل 7 مثلاً

    أنا لسا ما أختبرت لأن أختباري بعد شهر لكن أقولك مثلاً

    هل يجبروني إني أسجل بالمعهد؟! ولا يكفي الأيليتس؟!

    وإذا يكفي هل أقدر أسجل بالجامعة الآن ولا لازم بعد إختبار الأيليتس؟!

    ياليت تفصل بالإجابة الله يعافيك .. وشكراً

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    طالب مجتهد


    حالة الإتصال : مشاري محمد غير متواجد حالياً
    رقم العضوية : 70465
    تاريخ التسجيل : Jul 2010
    الدولة : wounderful place
    المشاركات : 258
    مشاري محمد غير متواجد حالياً

    افتراضي


    اخ ياسر جزاك الله خير وجعلها في موازيين حسناتك


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator