السلام عليكم ورحمة الله وبركاته يا اعضاء هذا المنتدى الحبيب



صباح الخير او مساء الخير اختارو الي بعجبكم منها



المهم زي ما هو واضح في العنوان انا مسافر ان اشاء الله لكندا لدراسة اللغة وبعد بحت طويل عن المعاهد والاسئلة الكتيرة قررت اني اروح على معهد ايلاك لان سمعته مرررة حلوة وحاصل على اكتر من جائزة..



انا حاليا طالب في الجامعه بس للاسف حصلتلي شوية ظروف ومحقدر اكمل في الجامعه وحسافر عشان اطور لغتي وارجع ادور على وظيفة او لو ربنا وافقني وانضميت للبعته خير وبركة المهم المعهد فيه دورات كتير بس انا مش عارف اش اختار من دورة فا ياريت احد يساعدني ويشور علي بافضل دورة اخدها في المعهد


وهذا رابط المعهد

ILAC: English School in Toronto and Vancouver Canada, Internships in Canada, ESL in Canada


وتاني حاجة انا قريت في موقع النت وشفت الاسعار وحولتها بالريال السعودية وطلعت الحسبة لمدة سته شهور


التكلفة لمدة 6شهور


رسوم الدراسة في المعهد 32232 ريال


رسوم السكن مع عائلة 17904 ريال


المجموع لمدة ستة شهور شامل الدراسة والسكن 50136 ريال



اش رايكم تعتبر كويسة او كتيرة او شو؟؟؟



وباقيلي بس اعرف كم تقريبا احتاج مصاريف هناك وتقريبا كم حتكلفني التذكرة والفيزا




هاذي الاسئلة الي عندي لغاية دحينا وارجو منكم تفيديوني يا اصحابي الاعزاء