السلام عليكم
زوجتي موظفة ومرشحه للابتعاث من عملها .
تخصصها في البكالوريوس / لغة انجليزية.
تريد تواصل دراستها / ماجستير التربية في تكنولوجيا التعليم.


لدينا قبول مشروط من استراليا ،

وزارة الخدمة المدنية رفضت الموافقة على البعثة واشترطت قبول غير مشروط باللغة الانجليزية لان تخصصها في البكالوريوس لغة انجليزية .

طبعا الجامعات رفضت تعطينا قبول غير مشروط باللغة الى بدرجة الايلتس او التوفل ،وبيني وبينكم اشوف انه صعب الواحد يروح على الماجستير مباشرة .

زوجتي ما اختبرت لا ابلتس ولا توفل وبصراحة محتاجة كم شهر لغة علشان تختبر وتجيب الدرجة والوقت مو في صالحنا ، لو تاخرنا ما راح يبتعثونها خصوصا وان لنا 4 سنوات واحنا نطارد ورى هذي البعثة .

الحل اللي فكرت فيه وابي رأيكم فيه هو :
اني اجيب لها قبول ماجستير من ألمانيا مشروط باللغة الالمانية واقدمه واذا تمت الموافقه على ابتعاثها الى المانيا نسافر وبعد ما نوصل مباشرة نطلب تغيير الدولة الى بريطانيا او كندا او استراليا او نيوزيلندا.
واذا رفضوا نطلب تغيير لغة الدراسة من الألمانية الى اللغة الانجليزية وبكذا تكمل في معهد اللغة الانجليزية سنة وبعدها تكمل الماجستير بالانجليزي .
مدري وش رايكم يا أخوان كذا ممكن تمشي الامور ولا لا .

طبعا مو شرط المانيا ممكن فرنسا او غيرها .
وشكرا لكم