النتائج 1 إلى 2 من 2
  1. #1
    طالب جديد

    حالة الإتصال : mo0ody غير متواجد حالياً
    رقم العضوية : 39433
    تاريخ التسجيل : Apr 2009
    المشاركات : 2
    mo0ody غير متواجد حالياً

    Angry يارب تقرأو اللي سار

    يارب تقرأو اللي سار

    السلام عليكم ورحمة الله وبركاته

    اولا شي خليني اتكلم بالعامية عشان اقدر اوصل اللي ابغى اقولو

    انا احمد طالب جديد على برايتون والحمدلله مبتعث

    ابغى بس اشكي من شي صارلي يوم 31-مارس

    والهرجة انتهت مع اني حاولت انزلها في نفس اليوم بس عضويتي ما انقبلت الا اليوم

    بصراحة انا في بداية الموضوع ماكنت ناوي اسجل في المنتدى لأني حبيت اعتمد على نفسي في كل شي

    لكن اكتشفت اني غلطت وانا محتاج نصيحة كل شخص سعودي

    واللي عندو اي شي لا يبخل على اخو محتاج

    انا بس ابغى احكيكم عن المهزلة اللي صارتلي اليوم في مكتب(ابو عمر)المعرووووووووووف واللي الكل يمدح فيه ومايسمع فيه

    انا ليا شهر ياناس بس ادور ليا على شقة وكل يوم وانا عند مكتب ابو عمر وبعدين مكتب الليدرز وماخليت اعلان في حالو وماخليت جريدة الا وقريت قسم العقارات اللي فيها

    وانا ليا في برايتون تقريبا شهر وساكن في فندق كيهانز

    واليوم ولله الحمد اتوفقت ولقيت شقة بغرفة نوم وبسعر ناسبني والحمدلله حسيت بارتياح

    وطبعا هده الشقة من ابو عمر

    المهم ورحنا المكتب وقلت للرجال اللي شغال كلم ابو عمر خليه ع الاقل ينزل 20 باوند من السعر وعلى بركة الله

    اتخيلو ياجماعة الخير دق على ابو عمر وقلو الرجال هنا بيأخد الشقة الفلانية ويبغاك تراعيه

    قلو ايش الجنسية ..قلو سعودي

    قلو السعر ماينزل ويقعد زي ما هوا وقفل

    عشني سعوووودي ؟؟؟؟

    عشني سعووودي مارضي حتى يتفاهم ولا يقولها بشوية احترام؟؟

    المهم قلت عوافي ودفعت المبلغ بالتأمين ووقعت عقد لمدة 6 شهور

    وكل شي مية مية وخلاص تمت البيعة ولله الحمد

    وقلي بعد يومين تجي تأخد المفتاح والله يباركلك

    رحت انا طبعا من عندو على طول على محل بيع الاثاث المستعمل واخدت سرير وتلفزيون والاشياء الضرورية

    ودفعت الفلوس وقلت للمحل جيبها يوم الجمعة على العنوان الفلاني وخرجت

    وانا راجع ع الفندق يدق عليا الرجال اللي يشتغل في المكتب يقلي تعال خد فلوسك ابو عمر وزوجتو مأجرين الشقة ونسيو

    بسهووولة كدا ؟؟؟؟

    طيب وانا موقع عقد....يعني انا ماني رجاال ؟؟

    المفروض هدا مكتب عقار مو مكتب مصخرة

    قلتلو كيف؟؟

    قلي تعال خد فلوسك وانا اشفلك استديو طيب

    ليش طيب ؟؟

    ابو عمر يبغاها لأحد من معارفو مثلا..؟؟؟

    الله اعلم

    معقولة الشقة مأجرينها وانتا ما تدري ؟؟؟

    طيب معقولة ما عندك خبر؟؟

    انا جاي استأجر ولا جاي العب ؟؟

    طيب اسئلة كتير قاهرتني

    ولكن سكت

    لأنو ماليا ظهر ولا اقدر اقول شي

    انا صغير وماليا كلمة على وابو عمر <<<ابو عمر المعروووف اللي مافي زيو


    سكت ولا قدرت اقول شي

    قلتلو بكرة وخير

    ورجعت دقيت ردت عليا الحرمة برد مررررررررررة محترم

    تقلي تعال خد فلوسك لأنك لو وصلتها محكمة الاولوية لأبو عمر

    ياجماعة الخير

    هدا اسلوب ؟؟

    هدا واحنا عرب في بعض

    وانا آسف يا اخواني اني طولت عليكم

    لكن والله من القهر اللي انا فيه

    هل له حق انو يأخد الشقة اللي انا موقع عقدها ودافع فلوسها كاملة مكملة ومعايا صورة من العقد؟؟


    يااااخووواااان انا ما ابغى اشهر في المكتب

    لكن طيب معقولة حقي يضيع كدا ؟؟

    انا مابيدي حيلة غير اني ارفع يدي للي خلقني

    لكن بس حبيت آخد نصيحة من اخ فاااهم

    وياريت ما تخلوني حاير

    انا اخوكم ومحتاج مساعدتكم

    انا ماني مقهور لا ع الشقة ولا ع اي شي

    انا بس مقهور ع الاسلوب

    يعني انا اوقع العقد وادفع وتجي تقلي تعال خد فلوسك

    والشقة جاهزة والمشكلة انو كلم ابو عمر عليها وقلو الشقة الفلانية <<سبحان الله برضو ابو عمر ناسي ؟؟

    ورحت شفتها والعمال بينظفوها

    يعني اللي كان ساكن فيها دوبو خارج

    معقولة اجروها ليا ولشخص تاني ؟؟؟


    يااخ جهاااد؟؟؟

    انا طالب نصيحة منك

    انا مالي في البلد هنا الا مدة قليلة وانتا ماشاءالله انسان فاهم ولك معارفك

    فياريت بس تعطيني نصيحتك ولو انتا مكاني ايش كان سويت

    وانا واثق ياجهاد انك ما تقصر في حق اخوانك الطلبة السعوديين وغيرهم

    والله يعطيك الف عافية على مجهوداتك العظيمة اللي بتسويها

    فياريت بس تقرأ كلامي ولو اني غلطت في حق ابو عمر ولا غلط في اي شي

    فأنا اعتذر منك واعتذر من جميع من في هدا المنتدى الكريم

    ويمكن فيه الفاظ غير محترمة لكن والله مو بيدي يااخوان

    ولكن هدا هوا مكتب ابو عمر (العربي)اللي مايقصر مع احد


    والله شاهد على ما اقول
    ولا احد يحسب اني الفت شي من راسي

    ورب البيت انو الهرجة صارت بالتفصيل ولكن انا رحت وسحبت فلوسي لكن ابغى اعرف له حق ولا لأ
    والسلام عليكم ورحمة الله وبركاته


  2. #2
    طالب جديد

    حالة الإتصال : abobader غير متواجد حالياً
    رقم العضوية : 28518
    تاريخ التسجيل : May 2008
    المشاركات : 7
    abobader غير متواجد حالياً

    افتراضي


    اخوي دام معاك عقد خذ اوراقك للجامعة اللي تدرس فيها واسألهم عن (International office مكتب الانترناشونال اوفيس داخل الجامعة احيانا يكون في Students Union) وهذا خاص لمشاكل الطلاب الاجانب في الجامعة واشرح لهم الموضوع طبعا بيشوفون العقد واذا هو زي ماقلت بيكلمونه وبيأدبونه لك دام ان اوراقك سليمة وحقك بتاخذه بمشيئة الله..فانت في بلد القانون
    وعلمني وش صار معاك واي استفسار اخر مستعدين ..وفقك الله


الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator