النتائج 1 إلى 3 من 3
  1. #1
    طالب جديد

    الصورة الرمزية جامل زمانك

    حالة الإتصال : جامل زمانك غير متواجد حالياً
    رقم العضوية : 36762
    تاريخ التسجيل : Jan 2009
    المشاركات : 10
    جامل زمانك غير متواجد حالياً

    افتراضي طالب في كلية الاتصالات بالرياض مساعده اذا امكن

    طالب في كلية الاتصالات بالرياض مساعده اذا امكن

    انا متخرج من كلية الاتصالات والمعلومات بالرياض تخصص تقنية شبكات الحاسب دبلوم
    و معدلي 3.1 من5 جيد كيف يتم قبولي في الجامعات الاردنية على حسابي الخاص وكم ياعادلون لي ساعه وهل امكانية التحويل على البعثه اكيد ولا كيف بالضبط وكم المدهـ الدراسية تقريبآ والفلوس اهم شي الفلوس كم تكون الرسوم في البداية و انا سمعت انه اذا قبلت في البداية بعد شهرين تقريبآ يعني قبل ماتخلص اول ترم تكون ضمن البعثة هل هذا صحيح ام لا تكفون وربي مو فاهم شي .....وبعدين في نقطه مهمة ودي افهمها ...اذا قبلت مبدئيآ هل ادرس في الجامعه مباشره او ادرس انقلش في معهد ولاكيف هل هي أجباري ام لا ... آخر شي ادري اني مصختها ....ماهي افضل جامعه من ناحية تخصصي وهل اذا درست في حكوميه او أهليه يأتي قبولي في البعثه ومالافضل...
    والصلاة والسلام على رسول الله...... تكفون ردو وربي ضلقت فيني الوسيعه


  2. #2
    مراقب ساحة طلبة المملكة الأردنية الهاشمية

    الصورة الرمزية سليمان القناص

    حالة الإتصال : سليمان القناص غير متواجد حالياً
    رقم العضوية : 35501
    تاريخ التسجيل : Dec 2008
    الدولة : ksa
    المشاركات : 65
    سليمان القناص غير متواجد حالياً

    افتراضي


    اما انك مصختها تراها موحلوه وتزعلنا منك
    افا عليك يالغالي ترانا هنا اخوان ونعين ونعاون ونحب ان الي يسأل يسال عن كل الي يبه وبكل حريه
    وان نجاوب على سؤالك بكل مانقدر وان يكون جوابنا سليم معتبر 100% ونكون متاكدين منه ومسؤلين على الجواب الي نجاوبه على شان كذا نتاخر شوي لاننا مانجاوب الا اذا تاكدنا من الموضوع
    الحين اقولك
    مرحبا اخوي
    بانسبه لسؤالك
    معدلي 3.1 من5 جيد ( حلو وتقبل فيه بتخصصات الحاسب وهي واجد انت حدد شتبي منها ) كيف يتم قبولي في الجامعات الاردنية على حسابي الخاص(تصدق اوراقك من السعوديه * من الوزاره , الخارجيه , السفاره الاردنيه * بعدين تجي تصدقها من الاردن من * الخارجيه , والتعليم العالي *وتتوجه للجامعه الي تبيها تنقي التخصص تسجل اوراقك وشهاداتك وتدفع الرسوم وتسجل المواد وتاخذ الجدول ) وكم ياعادلون لي ساعه (في البدايه يعادلون 15 ساعه وهي الموادا لاساسيه وبعدين تختبر بجامعة البلقاء اختبار معادلة مواد المجسرين وعلى هذا الاختبار يحددون كم ساعه يعادلون لك ويكون من 15 الى 45 يعني الحد الاقصى 60 ساعه 15 من الجامعه والباقي من الاختبار يعني التوتل والزبده من 30 الى 60 انشالله نساعدك فيها اذا سجلت ) وهل امكانية التحويل على البعثه اكيد ولا كيف بالضبط وكم المدهـ الدراسية تقريبآ (طبعا ممكن انت لما تسجل بالجامعه تروح الملحقيه وتسوي طلب دراسه على حسابك الخاص وتفتح ملف وبعدي تخلص اجرائات المعادله وبنهاية الفصل يكون خالصه المعادله وطالعه النتايج وانشالله بنسبه فوق 75% وهي النسبه المطلوبه تكون كذا استوفيت الشروط تروح الملحقيه وتقدم على البعثه وتطلعلط انشالله وما تطول بالكثير فصل واحد ) والفلوس اهم شي الفلوس كم تكون الرسوم في البداية (والله يالغالي على حسب الجامعه والتخصص والساعات الي بتنزلها * انصحك انك تشوف الرسوم من مواقع الجامعات الاردنيه وتشيك وتكون مفصله بدقة وسهل انك تعرفها *) و انا سمعت انه اذا قبلت في البداية بعد شهرين تقريبآ يعني قبل ماتخلص اول ترم تكون ضمن البعثة هل هذا صحيح ام لا تكفون وربي مو فاهم شي ( والله ياخوي هذا الكلام ممكن يصير اما بحظ او صدفه او بواسطه الاساس ان البعثه تجي بعد ماتخلص الشروط ان يكون عندك 30 ساعه وفوق وان معدلك فوق ال75% وبجامعه معترف فيها وتكون ماخذ موافقه انك تدرس على حسابك بعد هالشروط روح قدم وتجيك وماتطول اكثر من فصل على الاغلب * اذا شديت حيلك الفصل الاول وجبت معدل 75% وعادلولك مواد واجد تجيك البعثه بنص الفصل الثاني وتعوض عن الفلوس الي دفعتها بالفصل الي تنقبل فيه " هذا الواقع بس ماضمن لك لان مافي قرار بهالكلام بس هذا الواقع العملي "*) .....وبعدين في نقطه مهمة ودي افهمها ...اذا قبلت مبدئيآ هل ادرس في الجامعه مباشره او ادرس انقلش في معهد ولاكيف هل هي أجباري ام لا (القبول المبدئي ورقه من الجامعه ان رح تقبلك وان لك مكان بالتخصص الي تبيه ويكون موجه لجهه رسميه " يعني انت ماتحتاجه" والقبول الاصلي هو التسجيل الكامل الي شرحته لك ودفع الفلوس واخذ الجدول ومافي معهد ولا اجبار انجلش ولا تحضير ولا اي شي ولا شي اجباري* تسجل وتنزل مواد وتدرس والانجليزي كلها مادتين ويمكن يعادلون لك اياها *واذا انت تبي معهد ممكن تسجل بمعهد لغه وتداوم فيه بعد الجامعه " تدرس موادك بالجامعه وتدرس اللغه بالمعهد") ... آخر شي ادري اني مصختها .( كثر منها " تراني زعلت منها " وبركبك الحق )...ماهي افضل جامعه من ناحية تخصصي وهل اذا درست في حكوميه او أهليه يأتي قبولي في البعثه ومالافضل (والله الجامعات واجد وعلى حسب اختيارك وهذا شي راجعلك على حسب المكان والاصحاب والي انت تحبه او تشتهبه والنصيحه لك ان تروح للملحقيه قبل ماتسجل وتسألهم عن الجامعات المعترفه " اخر قرار من الملحقيه الي قبل اسبوع ينص على الغاء الاعتراف بكل الجامعات الخاصه والاهليه " يعني بقالك الحكوميه بس نق على حسب الي ترتاحلها سواء لمكانها او منطقتها او الشباب الي تعرفهم وهكذا )والصلاة والسلام على رسول الله...(اللهم صلي وسلم عليه )... تكفون ردو وربي ضلقت فيني الوسيعه (افا وانا مراقب الساحه ماتضيق فيك الوسيعه وانت بين اخوانك انت ريح وهد وفكر بالي تبيه وحنا نعين ونعاون لاتتردد باي سؤال)...

    والله يهديك للي فيه الخير لك
    فمان الله


  3. #3
    طالب جديد

    الصورة الرمزية جامل زمانك

    حالة الإتصال : جامل زمانك غير متواجد حالياً
    رقم العضوية : 36762
    تاريخ التسجيل : Jan 2009
    المشاركات : 10
    جامل زمانك غير متواجد حالياً

    افتراضي شكرآ

    شكرآ

    أخوي سليمان القناص انت وربي عسل الله يوقفك والله يجززاك الف خير وجعلك تتخرج بأمتياز من الجامعه وربي ماقصرت كفيت ووفيت وانا اشكرك بعنف شديييييييييييد قلبنا سودانين .......نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator