بسم الله الرحمن الرحيم
السلام عليكم ورحمة الله وبركاته ..
كيف حالكم إن شاء الله دائما بخير ؟
بما اني بحثت كثير في منتديات كثيرة بس والله احس هذا المنتدى غير .. الكل يساعد من الاعضاء .. ايضا المشرفين الله يجزاهم خير حريصين على الاجابه في جميع المواضيع .. الله يوفقهم يارب من جد الرد على كل المواضيع متعب .. ماشاء الله عليكم .. والله لايغير عليكم ..
طيب بتكلم اول شئ عن نفسي ..
انا خريجة بكالوريوس رياض اطفال وحابه اكمل الماجستير في استراليا ..
وراح ابتعث ان شاء الله عن طريق الجامعه ..
وزوجي الله يوفقة راح يكون المرافق لي ..
انا وزوجي لغتنا الانجليزية ضعيفة ..
ايضا زوجي حاب يكمل دراسته وهو خريج ثانوي ادبي تقريبا من عشر سنوات متخرج .. وحاب يدرس البكالوريوس ..وهو يعمل بالتجارة يعني ليس موظف حكومي ..
لدي اطفال 2 وحده تدرس ابتدائي والثانيه رضيعة ..
في البداية محتارين بين امريكا واستراليا .. ناس تقول امريكا اقوى جامعات واسهل بالدرسة .. وناس تقول استراليا افضل .. ناس تقول امريكا لغتهم سهله واسهل من استراليا لأن استراليا لغتهم قريبة للبريطانية .. ناس تقول امريكا مافيها امن وعنصريين وبالاخص تعاملهم مع العرب وناس تقول استراليا افضل في الامن ولافيها عنصرية ولا فيها مشاكل .. ناس تقول استراليا غاليه السكن ولا يتوفر فيها مدارس سعودية .. وناس تقول امريكا افضل متوفر فيها كل شئ ..
وماضيعنا الا كلام الناس ... احترنا مابين استراليا وامريكا ..
وبالاخص ان مستقبل اولادنا لازم نخاف علية ..
انا قد سافرت سياحة الى استراليا وحبيتها كثييييير رحت سدني وملبورن وقولد كوست ... عشان كذا راحتي النفسية يوم سافرت خلتني افكر في الدراسة فيها ..
امريكا مااعرف عنها الا المشاكل .. بينما استراليا لا الامن عندهم قوي ..
لذلك انا احترت مابين امريكا واستراليا وكل اللي يحكمون عليهم يحكمون حسب تجاربهم الخاصة .. يعني اللي درس بامريكا بيمدح امريكا ويسب استراليا وايضا العكس .. يعني مسكين اللي يسأل لأنه بيحوس اكثر ..
لذلك انا حابة استفسر عن استراليا ابي احدد الاولويات في كل دولة .. عشان اقدر احدد من دون ندم ..
^^^
ادري قصيت قصة حياتي .. بس عشان يكون الموضوع واضح .. 
اسئلتي كثيرة لأني مو عارفة وين ربي حاطني في مواضيع البعثات .. قريت مواضيع كثيره وتكونت فكرة بسيطة عندي .. 
وراح احط الاسئلة مرتبة بارقام ؟ <<< الشيخة مطولة
لا بس احب النظام والوضوح في كتابة المواضيع .. عشان يسهل الرد .. وعشان استفيد وغيري بعد يستفيد ..
اتمنى ان الرد يكون بنفس الاسئلة يعني اقتباس الرد بلون مخالف تحت كل سؤال معروف اجابته واللي غير معروف يكتب لا ادري <<<< تتشرط بعد 
لا والله مااتشرط بس فضلا .. والله يوفقكم .. <<< شكلة ماراح يرد عليك احد 
نبدأ بالاسئلة :
1-هل يسمح لزوجي بتكملة الدراسة علما انه خريج ثانوي من 10 سنوات ؟
2-ماهي الجامعات اللي فيها ماجستير رياض الاطفال وايضا جامعة في نفس المدينة يكون فيها تخصص بكالوريوس ادارة مالية ؟
3- هل تخصص الادارة المالية له مستقبل وظيفي في السعودية ؟
4- مامدى صعوبة دراسة الماجستير في جامعات استراليا ؟
5-كيف تكون طريقة دراسة الماجستير في رياض الاطفال هل بحوث ام دراسة ؟
6- ماذا يتطلب قبل دخول ماجستير رياض الاطفال ؟ التوفل ام ماذا ؟
7- كم عدد سنوات دراسة الماجستير ؟
8- ماذا يتطلب لدخول قسم بكالوريوس ادارة مالية ؟
9-كم عدد سنوات دراسة بكالوريوس ادارة مالية ؟
10 - لو فرضنا اني انتهيت من دراسة الماجستير وزوجي لم ينتهي من البكالوريوس هل ارغم على الرجوع ام اكون مرافقه لزوجي ؟
11 - هل المرافق يختار القسم اللذي يرغبة ام يفرض علية اقسام محدده ؟
12- ايضا اريد جامعة فيها ماجستير رياض الاطفال وبكالوريوس اداره مالية وايضا يتوفر في المدينة مدارس وحضانات وسكن لا يكون غالي ؟
13- ياليت اعرف مبلغ المكافأة لي ولزوجي المرافق ولاولادي ( طفل ابتدائي ورضيع )
علما اني مبتعثه عن طريق الجامعة ؟ وهل تكفي عالمصاريف هناك ؟
14- في اي تاريخ ميلادي تبدأ الدراسة في استراليا ؟
انا عارفة ان اسئلتي كثيره بس وربي اني ضايعة ومو عارفه شئ لدرجه اني افكر اشيل فكرة الدراسة برا واخليها هنا .. ياليت تشجعوني ادرس برا
انا خايفة تكون الدراسة صعبه .. مع اني سمعت ان الدراسة عندنا اصعب ..
ايضا خايفة على مستقبل بنتي في الدراسة ؟ كثير اشياء افكر فيها .. ماادري والله وين الافضل ..
كثير يقولون ان فرصة الابتعاث ماتتفوت وحرام تضيع .. عشان كذا تحمست ..
ماادري اترك الاجابة لكم ..
يارب تجاوبوني ..
والله يوفقكم يارب دنيا واخرة ..
« آخـــر الـــمـــشـــاركــــات »
اود دراسة الماجستير وعندي اسئلة ممكن تساعدوني؟ ( خير الناس انفعهم للناس )الله يوفقكم
<< انواع الفشلة