النتائج 1 إلى 4 من 4
  1. #1
    طالب مجتهد

    الصورة الرمزية ريمو الدلوعة

    حالة الإتصال : ريمو الدلوعة غير متواجد حالياً
    رقم العضوية : 26833
    تاريخ التسجيل : Apr 2008
    المشاركات : 143
    ريمو الدلوعة غير متواجد حالياً

    افتراضي ياليتني ولــد !!! ( للبنــات فقط )

    ياليتني ولــد !!! ( للبنــات فقط )

    ولا اطيل الهذرهـ
    وانا اتصفح <<
    لقيت موضوعـ روعـــــــــهـ ؛؛
    7
    7
    7
    للبنات فقط لان معظم البنات هاليوميـن يقول ياليتني ولــد

    أنا ما اتفاول عليكـ..
    بس مجرد خيــــال...

    تخيلي يوم قمتي من النوم انتي ولد
    وحياة البنات خلااااااص راحت..
    وش بتسوين......!

    قمتي عليك ثوب نوم عقب القميص
    ناظرتي نفسك في المرايه تخرعتي وش ذا الشنب.....!

    ووين شعري.....!
    بعدين تذكرتي
    ايــــــــــــه صح...أنا ولد..

    رحتي للحمام وانتي بكرامه شفتي نفسك مع المرايه
    شفتي دقن طالع لك
    مسكتي مكينة الحلاقـه

    بتعرفين تستخدمينها.....!
    حستي الدنيا وطلعتي أهم شي شلتي الدقن لو بالحلاوهـ


    قمتي فتحتي الدولاب شفتي الدولاب كله ثياب تتشابه

    وين الفساتين؟!
    والتنانير؟!
    والبلايز؟!
    والقمصان؟!
    والجلابيات؟!
    والشناط؟!

    بعدين تذكرتي
    ايــــــــه صح.. أنا ولد.....

    وطلعتي ثوب ابيض ولبستيه وطلعتي شماغ ولبستيـ ه

    وأخذتي جوالك..
    ولقيتي فيه مسج من ولد جيرانكم
    كنتي قبل تستحين منه وعاجبك شكله والحين راسل لك مسج..
    وش بتسوين.....!
    أخذتي بوكك بس أنتبهتي لشي بجنب الجوال والبوك

    مفاتيح.....!
    اللــــــــه ونــــــــاسه يعني بتسوقين؟!! << خشتي 10 امتار الا ربع

    حلــــو يازين حياة الأولاد

    أخذتي المفاتيح مبســــــــوطه ومن قدك مفاتيح سيارتك معك

    وأنتي على الدرج سمعتي أمك تناديكـ...

    لحظه......
    7
    7
    7
    وش أسمكـ؟!!!!!!!!!!......

    يالله أختاري..
    خالد.. >>>> أحلى اسم <<<< أنــواعـ التميــلحـ
    مشاري..
    سعود..
    عبد المجيــد..
    طلال..
    فيصل..
    زايد..
    7
    7
    7
    طيب بنتخيل اسمك وليد..<<< لاحظــوا أني مـــاحطيـــت أسمـ وليــد مع الأسماء اللي فــوق بس يالله ما أحــد درى

    نادتك امك: ولــــيد وأنا امك خذ الاغراض وركبها في السياره علشان اليوم فيه أستراحه مع خوالك

    ناظرتي الأغراض
    كل شنطه أكبر من الشنطه الثانيه...

    وش بيشيل ذي.....!
    خلاص ياوليد أنتي رجال وهالشي بسيط بالنسبه للأشياء الجايه...

    خذتيها وطلعتي في الشارع وحطيتي الشنطه في السياره بصعووووبه...

    لحظه..

    لحظه..

    ما انتبهتي على شي؟!!!!!!......
    7
    7
    7
    أنتي بدووون عبــــايــــه..

    7
    7
    يــــــــاااااااااااااااااي وناااااااااااااااااااااااااااانسه...
    7
    7

    لحظه وش ياي هذي؟!!

    هذي حركات دلع
    قول
    ياااااااااااااااااااااااااااااهــــــــــــوو ووووو ووووو..................

    ركبتي باقي الأغراض وجلستي ساعه في السياره تنتظرين خواتك

    رحتي تشوفين وش أخرهم

    لقيتي وحده حاطه اللفافات في شعرها

    وحده تحط مكياج

    وحده محتاره بين تنورتين

    ووحده تتبخر..

    حنيــــــــتي لها الحركــات

    بس سويتي نفسك يعنني رجال

    ضحكتي بسخريه: ههههه أما انتم يالبنات عليكم حركااااااات

    المهم خلصو
    وطلعو

    ركبتي السياره بتسوقين..

    من قدك أنتي عند الباب..


    مشيتي بالسياره


    وصلتو عند الأستراحه
    نزلتي الأغراض لأهلك

    ركبتي السياره

    سمعتي صوت خشن ينادي: ولــــــــــــييد........


    التفتي لقيتي عيال خوالك جالسين يناظرونك..

    وكلهم يمشوون جايينك..


    وش بتسوين.....!


    المشكله انك تستحين عيال أقاربك

    جو وسلمو عليك

    واحد يقول: وينك ياوليد مختفي ماتنشاف

    وواحد يقول: من طول الغيبات جاب الغنايم

    والثاني يقول: ولا بعد ناوي تنحاش

    وثالث يقول : أسفطهم بس وعلمنا وش أخبارك



    وأنتي حظرتك منزله راسك

    مستحيه
    ووجهك طماطه

    واحد قال: وش فيك يابو الشباب تغيرت علينا

    رفعتي راسك وجلستي تطالعينهم

    هذا أحلو..
    وهذا طال..
    وهذا مسمر..
    وهذا من عرفته وهو شين..
    وهذا فلانه تحبه ..


    يوم كنتي بنت عارفه اسرار البنات كلها

    قلتي في نفسك لما جى واحد ثاني
    "يألــــــــلــــــــه هذا تغيــــــــر"

    كان خبرتك في عيال خوالك زينه قولي من هذا؟!


    سألتيهم بعد تردد: هذا ولد خالي مـ......



    وسكتي...



    وش هالصوت؟!!!!...

    خشــــــــــــن...



    هم أنتظروك تكملين جملتك

    بس أنتي واقفه ومطيره عيونك

    عرفك على نفسه

    وجلسو يسولفون مع بعض

    أنتي أعتذرتي وقلتي أنا مواعد الشباب في استراحه


    رحتي وأنتي كارهه نفسك



    وش هالعيشه؟!!!!





    مشيتي بالسياره..





    وين بتروحين؟!





    ماعندك اصدقاء..





    أنتي طلعتي من عند خوالك علشانك مليتي من سواليفهم


    سواليف الشباب بايــــخه



    وين تروحين؟!


    بيت عمك

    خلاص بنت عمك ماعادها صديقتك

    بيت عمتك خلاص بنت عمتك تستحي منك

    وين تروحين؟!؟



    عيال عمك مجتمعين تروحين عندهم؟!


    صعبه
    توك لين الحين تستحين


    جلستي تدورين بالسياره

    وأنتي عارفه ان بنات خالك مجتمعين في الاستراحه

    وأكيد وناسه


    وبنات عمانك بيجتمعون في بيت وحده من عماتك


    وأكيد الجلسه فله

    جلستي تدورين بالسياره
    كارهه نفسك

    صوتك..
    جسمك..
    شعرك..
    خشونتك..
    شواربك..
    يدينك..
    رجولك..
    لبسك..

    كل شي فيك كارهته


    وقفتي السياره على جنب لأنك تعبتي

    ماتدرين لوين رايحه

    رن جوالك وكان منور بأسم واحد من اصدقاء أخوك


    ماقدرتي تردين

    قلتي في نفسك
    " والله زمــــان
    هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. "

    رن للمره الرابعه بس ماكنتي تردين
    بس في الأخير رديتي
    وأنتي كارهه هالصوت عقب الصوت البناتي
    : الو
    قال: الو.. اهلا أبو الشباب وينك ياخوك عن الجوال
    : كنت في البقاله وهو في السياره
    قال: وش أخبارك؟!
    : ماشي الحال..أنت وش أخبارك؟! وش أخبار الشباب؟!
    قال: كلنا بخير ويسلمون عليك
    ..ها ياخوك وين أرضك؟؟
    : والله جالس أدور ماعندي شي
    قال: تعال عندنا في أستراحتنا كل الشباب جالسين
    : أخوي فيه؟!
    قال: لا.. أخوك يقول انك مع خوالكم في أستراحه
    : ايه..بس طلعت
    قال: اجل حالف أنك تجي تتعشى معنا

    أنتي هنا استحيتي
    : لا الله يسلمك هذا انا عند باب أستراحه مع ربعي
    قال: براحتك..يسلمون عليك التماسيح الي عندي
    : ههههه الله يسلمكم من الشر
    قال: توصيني شي؟!
    : سلامتك ياخوك..
    قال: الله يسلمك يارب.. يالله اجل مع السلامه
    : هلا والله

    سكرت السماعه
    أنتي عارفه ان الكل يحاول يساعدك على أنك تتأقلمين مع الجو

    بس أنتي الي ماحبيتي هالعيشه

    عيشة الشباب

    أكيد مشتاقه تفضفض لصديقتك

    بس خلاص هي تعتبرك غريب


    رن جوالك منور بأسم ولد عمك

    مارديتي


    لأنك عارفه إن بنت عمتك تحبه

    وحسيتي وقتها وكأنك بتخونينها

    بعد ماشفتيه مصمل على المكالمه
    رديتي
    :الو
    قال: اهلا بولد العم
    : هلا
    قال: كيفك؟! وش أخبارك؟! بشرنا عنك؟!
    : تمام بخير..أنت شلونك؟!
    قال: الحمد لله.. وينك ياشين؟!
    : هههه.. انا ضايع يالأطخم
    قال: أفا.. ضايع!! وين يعني؟!
    : ضايع في هالدنيا.. في هالعيشه..عيشتكم
    قال: أتعوذ بالله من الشيطان..ولاعاد تقول مثل هالكلام.. وأنت مو أول ولا أخر واحد يصير معه كذا
    : اعوذ بالله
    قال: ولا يهمك يالحبيب .. تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت
    : بس أنا مواعـ ـ ـ ـ....
    قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع..تعال بس
    : لا لا انا مواعد واحد ماتعرفونه
    قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا بنت إذا حصلت لي الجامعه ولا بتزوج..لا الحين مجبور جامعه يعني جامعه..

    أكيد ضقتي لما تذكرتي هالشي

    قال: يا تجينا يا تروح بيتكم أختار يالشين
    : خلاص بأجي
    قال: ايه خلك كذا ياشيخ ماينفع معك الا ولد عمك
    يالله يابوي جب معك حب مصري مع السلامه

    سكر السماعه وأنتي تفكرين وش بتقولين في هالجلسه؟!
    وش لون بيستقبلونك؟!..
    بتستحين ؟!!!!...
    ولا بوجود أخوك بتتجرأين؟!!!

    على فكره بيت عمتك قبال بيت عمك وبيت عمتك البنات فيه وبيت عمك الشباب فيه

    صعب الموقف
    صعب


    مريتي البقاله وشريتي حب مصري
    ورحتي لهم

    وقفتي قبال بيت عمك وقلبك مع بيت عمتك
    انتبهتي لبنات يطلون عليكـ من الشباك

    قبل كنتي معهم الحين مع هالتماسيح

    وتمنيتي أنك بنتمثل ماكنتي من قبل تتمنين أنك ولد
    دخلتي عند الباب
    اول مادخلتي
    : السلام..

    كانو متحمسين يشوفونك لدرجة ان ماحد رد السلام الا اخوك

    أستحيتي من نظراتهم

    بعدين رد ولد عمك السلام
    وكأنه يذكرهم

    قام ولد عمي وقال: حياك تفضل
    وجلستي جنب أخوك
    وأخوك كل أشوي يهدي من أرتباكك
    بس كيف بترتاحين وهذيلا نظراتهم كذا
    لعبو بلوت سولفو
    وضحكو
    بس أنتي ماحبيتي الجلسه ابدا ابدا ابدا


    وفجأه..............



    قمتي من النوم عليك قميص بدال ثوب النوم

    ناظرتي نفسك على المرايه

    هذا شعرك......

    وراح شنبك........


    فتحتي الدولاب
    فساتينك
    تنانيرك
    وكل ملابسك موجوده

    أحترتي بين تنورتينsm33::
    لففتي شعرك
    تمكيجتي
    تبخرتي

    جى أخوك وضحك بسخريه: أما أنتم يالبنات عليكم حركات

    خذتي جوالك لقيتي مسج من بنت جيرانكم

    نزلتي لقيتي أخوك بالش بشيل هالشناط

    لبستي عباتك وطلعتي

    ((( بعباتك )))


    وصلتو للأستراحه
    شفتي العيال عند الباب وعطيتيهم أشكل
    ودخلتي وجلستي مع بنات خوالك وكانت الجلسه ونــــــــــــاسه

    دقيتي على أخوك يوديك لبيت عمتك لان البنات مجتمعين

    ووافق

    شفتي الفرق وناااااااسه



    رحتي لهم وكانت الجلسه فله احمدو ربكم على النعمه تقبلو تحياتي .................
    للأمانه منقووووول



  2. #2
    مشرفة سابقة

    حالة الإتصال : العنــــــــــود غير متواجد حالياً
    رقم العضوية : 32743
    تاريخ التسجيل : Sep 2008
    الدولة : hhhg
    المشاركات : 954
    العنــــــــــود غير متواجد حالياً

    افتراضي


    ياااااااااااااااااااي مرررره عشت الجوووو
    الحمدلله
    الحمدلله
    الحمدلله مليووون مررره اني بنت
    ولا ابى اكون في يوم من الايام ولد ولا اتمنى حتى
    والله يعينهم المساكين اللي يصيرلهم كذا
    موضوعك الييييييييييم
    تقبلي مرووري
    ياليتك حطيتي الموضوع في مملكة المراءه علشان مايقروووها التماسيح

    Note for all

    أما سطور تضيئ الطريق
    وأما رحيل يريح القلم

    "ورب كلمة قالت لصاحبها دعني"

  3. #3
    طالب نشيط

    حالة الإتصال : لـجيـن غير متواجد حالياً
    رقم العضوية : 33234
    تاريخ التسجيل : Oct 2008
    الدولة : Florida
    المشاركات : 690
    لـجيـن غير متواجد حالياً

    افتراضي


    بالفعل .. القصة حقيقية ..ههههههههههههههههه

    لأن في الآونة الأخيرة , كل بنت تتمنى تكون رجال ..

    تحس انها محبوسة بين اربع اطوف , والولد متى ما طفش , ركب سيارته وخرج واتونس ...

    ولكن ما أجمل أن نعيش على فطرتنا , وخلقتنا اللي ربي اختارها لنا ..

    وما أعتقد انو المرأة , إلا انها ملكة ..

    تركب بالسيارة , وزوجها أو أبوها أو أخوها , أو السايق هو اللي يسوق السيارة ..

    بصراحة .. حياة المرأة أجملللللل بكثير ..

    شكراً ..

    ودمتم بحفظ الجليل ..


  4. #4
    مشرفة سابقة

    الصورة الرمزية فاتن

    حالة الإتصال : فاتن غير متواجد حالياً
    رقم العضوية : 12908
    تاريخ التسجيل : Sep 2007
    المشاركات : 4,153
    فاتن غير متواجد حالياً

    افتراضي


    حركاااااااااااااااااات لستوووري الي قلتيه
    وعشناا بالجووو بس لو كملتيهاا بسفر وان صااحبااتك
    تغيررو كمااان تصيررر الاكشنه ميه ميه
    هههههههههههههههه
    تسلمين قلبووو

    فــــــــــــــــــا تـــــــــــــــن

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator