النتائج 1 إلى 3 من 3
  1. #1
    طالب مجتهد

    الصورة الرمزية الصادق

    حالة الإتصال : الصادق غير متواجد حالياً
    رقم العضوية : 3729
    تاريخ التسجيل : Nov 2006
    الدولة : egypt
    المشاركات : 421
    الصادق غير متواجد حالياً

    افتراضي واللي يرحم والديك لا تنسى هالرقم..940..

    واللي يرحم والديك لا تنسى هالرقم..940..

    بقولكم سالفة صارت قدامي أمس وأنا جاي من الدوام وقفت عند أحد مطاعم الفلافل ... وهذا المطعم جديد وأصبح له صيت في حيّنا ... المهم وأنا كنت جالس أنتظر الطلب ، وقف راعي سيارة شاب ونزل وطلب ... الشاب هذا سأل العامل السوري : ليه لابس قفاز واحد ؟؟

    جاوب السوري : هذي أشتغل فيها وهذي أحاسب ، والمصيبة العامل السوري وهو يتكلم كان ماخذ الخبز بيده اللي بدون دسوس "قفاز" ، وحطه على الطاولة وقال الشاب وهو يضحك : طيب ليه تمسك الخبز باليد اللي ما فيها قفاز ؟؟ السوري أنحرج وصار يبرر تبريرات مال أمها معنى ، وقال الشاب : المفروض اللي يشتغل ما يحاسب يكون واحد ثاني!!!...

    وأنا في ذيك اللحظة قلت : فيه ذباب وخره عن الصواني ، وقال الشاب : شف هذا زبون يقول عندك ذباب في المحل ، والعامل السوري شوي بيقوله : مالك دخل تبي تأكل ولا اطلع برى طلعت روح الشيطان ، والشاب طايح فيه أسئلة ... المهم من ضمن الأسئلة اللي كان يسألها وهو يضحك سؤال حسيت السوري من جد بينفجر !!! وسؤاله : ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة استفهام وتعجب كبيره !!!! وآخرتها قال له :معك مفتش الصحية ....

    هنا تعال شوف وجه العامل من زود ماهو أحمر من النار اللي عنده وفوقه الإفحام من الأسئلة يوم سمع كلمة مفتش الصحية والله يا جماعة أن وجهه تقل طماطة ..... احممرررررررررر وشهببببببببببب وجهه في نفس الوقت .. عاد تخيلو شكله كيف ....

    ومالكم بالطويله .... المهم أن الرجال دخل جوا المطبخ حقهم وصار يعطي الملاحظات وطلع واحد من العمال مجروحة يده وقال : لا أشوفك هنا إلا لما تعالج جرحك هذا زبون يقصدني ترضى تأكل من يده قلت : لا طبعاً ...وسأل العامل الأول أبو وجه أحمر مشهب اللي تقول كنه انخرص عطني شهادتك الصحية قال : ما معي .... قال : بعد أطلع برا أنت وياه

    المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد لكم ، لا أنا هنا عشان مصلحتكم ومصلحة الزبائن ولو لواحد جاه تسمم أو أي مرض انتقل عن طريق العدوى راح يدعي عليكم وحتى يا جماعة آثار حروق الزيت المتطاير اللي باليد يدققون عليها ، والبثور بعد ، وأنا عاد قاعد أتفرج ، وطبعاً ما فيه أمل آكل من عندهم مره ثانية ويوم طلع الرجال قعدت أسولف أنا وياه وأقوله عن بعض المطاعم اللي تحتاج مراقبة فقال : لا تتعب نفسك أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم ، وكان معه ورقة قال : شف هذي الورقة هذا اسم المطعم وتاريخ التبليغ والملاحظات اللي عليه وهذا أنا جيته وشفت وش صار بعينك...

    لكن يا شباب كانت طريقة مداهمة الشاب هذي ذكية جداً أوهم العامل أنه زبون عادي وبعدين طب عليه حتى السوري يقول هذا مفتش بلدية ولا يتلقف علينا وعقب ما طلعنا حسيت أنهم يحسبوني متفق معه أو أني من البلدية بعد لأني كنت مرسم ، وجالس معهم ومشيت أنا والرجال سوى وهذي فرصة وجت من الله كل فتره بطب عليهم وروعهم

    ههههههههههههههههههه

    ويا جماعة عليكم بكل مطعم أو بوفيه أو مخبز أو غيره تجدون علية ملاحظة تبلغون... أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني واليوم راح ألف المطاعم كلها أتصيد عليهم بس لازم الواحد يراعي الذمة والضمير



    وأنا بنفسي صراحة اتصلت وتحققت من الشي هذا ومختصين بكل شي يخص البلدية والأمانة

    لا تنسواالرقم

    940

    منقول


  2. #2
    طالب مجتهد

    حالة الإتصال : sweet moon غير متواجد حالياً
    رقم العضوية : 28229
    تاريخ التسجيل : May 2008
    الدولة : الشرقية
    المشاركات : 193
    sweet moon غير متواجد حالياً

    افتراضي


    خبر جميل يعطيك الله العافية, بس مش كل المفتشين مثل بعض ...


  3. #3
    طالب جديد

    حالة الإتصال : الذكي غير متواجد حالياً
    رقم العضوية : 29127
    تاريخ التسجيل : May 2008
    المشاركات : 2
    الذكي غير متواجد حالياً

    افتراضي


    الله يعطيك العافيه .

    ويقوي مفتشين الصحه والبلديه

    لأنا نحتاجهم دائما
    ً.


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator