النتائج 1 إلى 4 من 4
  1. #1
    طالب جديد

    حالة الإتصال : wael_1 غير متواجد حالياً
    رقم العضوية : 26415
    تاريخ التسجيل : Apr 2008
    المشاركات : 1
    wael_1 غير متواجد حالياً

    افتراضي مليت من البحث في الأنترنت ممكن يكون حلي عندك .

    مليت من البحث في الأنترنت ممكن يكون حلي عندك .

    بسم الله الرحمن الرحيم




    أنا أحمل الشهادة الثانوية بتقدير ممتاز وأبي منكم خدمه لو سمحتوا وهي :



    طريقة القبول بجامعه بالخارج يعني في أمريكا أو كندا ألي أنت تعرفها أو أنت فيها .
    أبي ياليت يعلمني الطريقة القبول بالجامعه وكيف تكون علي حساب الدوله وعن كل شيء عن الدراسه بالخارج (وياليت يكون التخصص في المجال الصحي يعني : طب أو صيدله أو علوم طبيه .
    وأسمحولي إذا كان كلامي مو واضح وقليل علشان أنا قليل أستخدامي للحاسب وما عرف أعبر عن طريق لوحة المفاتيح .
    وممكن تردون علي عن طريق الرسائل الخاصه أو أي طريق تريحك .



    ( أرجوكم أنتم أملي الوحيد ) .


  2. #2
    طالب مجتهد
    الصورة الرمزية محمد العواد

    حالة الإتصال : محمد العواد غير متواجد حالياً
    رقم العضوية : 21825
    تاريخ التسجيل : Jan 2008
    المشاركات : 130
    محمد العواد غير متواجد حالياً

    افتراضي


    اخي وائل حياك الله في منتداك،

    [align=center]
    ميلاد الحب

    مالي أراك تقسو علي كلما دنوت

    و عيناك تغض الطرف وانا مقبل

    أوليس الهوى يدنيك فما دونك أحد

    فلما الجفا و القلب شوقه ممتد

    لما اتيه في لج امواجك الملتطم

    وانا وانت هنا وهنا ننـــــــتظر

    اعلن الحب فميلاد الحب يتقد

    وربيع الشوق في يديك مزدهر


    [/align]
    [align=center]From frightening facts:
    Of the approximately 6000 languages spoken in the world today, 90% could be dead by the 2100. And now what will we give to serve Arabic language?!!
    [/align]


  3. #3
    طالب جديد

    حالة الإتصال : awad غير متواجد حالياً
    رقم العضوية : 24757
    تاريخ التسجيل : Feb 2008
    المشاركات : 15
    awad غير متواجد حالياً

    افتراضي


    بسم الله الرحمن الرحيم

    السلام عليكم جميعا


    هنا سأضع ين يديكم طريقة الذهاب للدراسة في امريكا على حسابك من ثم التحويل على حساب الدولة بعد مايقارب شهر الى خمسة اشهر باذن الله


    اولا : تقوم بوضع مبلغ مالي في احد البنوك ويفضل ان يكون جامد شوي حتى لو تخليه ليوم واحد ( كمثال 100000 ) ( حسب التجربه من احد الاشخاص ) واسحبها اذا خذيهنت اوراقك منهم

    + كشف حساب لك ولقريبك اللي مستعد يصرف عليك واهم شيء يكون في الكشف 100000 اللي انت مودعها يعني لاتسحبها الى اذا خذيهنت كشف الحساب

    ثانيا ترجع اليوم الثاني للبنك وتاخذ منه شيء اسمه شهادة لحسابك في البنك باللغة الانجليزية من ومختم من البنك ويفصل لو تكون نسختين اصليه وحده للسفاره ووحد تخليها معك اذا طلبت الجامعة نسخه اصلية


    ثالثا : اذا عندك اخ او اب موظف تخليه يكتب ورقه انه مستعد بجميع تكاليف دراستك في الخارج طول المدة التي ستقضيها هناك ويوقع ( طبعا الكتابه بالانجليزي )



    رابعا : اذا كنت طالب بكالوريوس (ترسل الثانويه العامه )

    طبعا جميع الاوراق باللغة الانجليزية ومختومه وخذ لك كم نسخه احسن لك

    المهم ترسل اوراقك لا اي واحد تعرفه هنا يطلع لك قبول مشروط من الجامعه ويشوف لك المعهد ولابد ان تكون معتمده من الملحقية

    المهم لاحد يجي هنا الا وقبوله معه

    طيب وش السبب

    الا يكفي قبول المعهد

    قبول المعهد يكفي لكن تطول المده الين تحول على حساب الدولة ولن يحولونك الا بقبول من جامعه معترف بها

    ايضا الفيزه لن تكون سنتين الا لمن لديهم قبول جامعه يعني اللي قبوله معهد يمكن ياخذ فيزا 3 اشهر لكن يستطيع البقاء في امريكا مادام انه طالب ( ولكن قد تواجهك صعوبه في ان تزور اهلك في السعوديه خصوصا بعد مرور او سنه لانك ستكون خائف ان لايتم تجديد فيزتك )

    طيب ارسلت اوراقي وش الرسوم

    تدفع رسوم الجامعة وتختلف من جامعه لا اخرى لكن في العادة 45 دولار وتعبي النموذج

    بعدها يتم ارسال الاوراق لك ومن الافضل ان يقوم المعهد او الجامعة بارسالها لك فدكس لكي يحسب عليهم المبلغ وتأتيك في حوالي اسبوع الى اسبوعين فقط


    بعد ذلك تذهب تسدد رسوم السيفس 100 دولار تدفع عن طريق الانترنت تاخذ وصل من التسديد يعني تطبع التسديد من الطابعه

    تابع هنا
    http://sfa.saudiclub.us/vb/showthread.php?t=21357

    ومن ثم تقوم بعمل موعد في السفارة الامريكية وتعبي ماذجهم كلها وتاخذ لك صور مكشوف الراس
    تابع هنا نماذج السفارة
    http://sfa.saudiclub.us/vb/showthread.php?t=4740
    بعد اخذ موعد تذهب للبنك سامبا وتقول ابغى اسدد رسوم الفيزه الامريكيه

    وهي مبلغ 380 ريال وتاخذ الوصل ولاتضيعه لانه مهم عند تقديمك للسفارة


    بعد كذا تذهب للسفاره تسوي مقابله

    اذا خلصت من المقابلة وانشاء الله يعطونك فيزه

    طبعا يقولون لك بعد اسبوعين تعال خذ الجواز

    والا اذا انت في منطقه ثانيه فيه جنبهم مكتب فيدكس يرسل لك جوازك على منطقتك اللي انت فيها


    انتظر اذا الله وفقك وحصلت على الفيزا

    تروح لاقرب مكتب طيار وتحجز منه افضل لك على الخطوط السعوديه اذا ماحصلت شف اي خطوط ثانيه طبعا رحلتك راح تكون

    السعوديه - الى واشنطن

    تاخذ يوم في واشنطن ( عشان تخلص اوراقك في الملحقية )

    ثم اليوم الثاني تروح المطار من

    واشنطن - الى ولايتك اللي بتدرس فيها

    طبعا

    اقلعت الطائره بك

    فيه نموذج تعبيه في الطائره ولاتخطي في الاسم

    http://sfa.saudiclub.us/vb/showthread.php?t=522
    هذا هام جدا ويدبسونه لك في الجواز اذا وصلت واشنطن ( ولاحد يضيعه هام جدا الين ترجع السعوديه )

    وصلت واشنطن وش تسوي

    اول ماتنزل خاصه اذا كنت في النهار

    بتحصل اثنين متصنقرين ويطمرون في العرب ( من قبل الملحقيه )

    بيقولون لك انت مبتعث جديد

    قل انا على حسابي وابغى اروح معكم

    طبعا معهم سياره يجمعون الطلاب واغراضهم ويودونهم لا اقرب فندق ( اذا لقيت شباب سعوديين من زمان في امريكا وجاين يكملون دراستهم الزق فيهم عشان قدهم اخبر منك في المنطقه )

    ( ملاحظات في السفر شنطتك لايكون فيها اكثر من 23 كيلو في كل شنطه اي 50 باوند لانهم يبهذلونك في المطارات الاوربيه والامريكيه ويشرجونك قيمة الشنطه ومافيها )

    يعني فيكل شنطه 23 كيلو

    ايضا بعض المطارت الاوربيه ( مثل مطار هيثرو ) يقول وين بتسكن في واشنطن لازم تقول لهم لان لهم اتفاقيه مع امريكا على ذلك

    طبعا قل لهم فندق كوالتي ( لانه اللي بيودونكم له الملحقيه )
    هذا هو
    http://www.qualityinnlaurel.com/

    يفضل انك تاخذ عنوانه معك من الموقع
    المهم انت بتروح مع الملحقيه وبيحطونك في ذا الفندق

    خذ لك غرف ب 50 دولار لليله

    او 69 دولار سريرين اذا كنم اثنان

    المهم اليوم الثاني الساعة 8:00 يجيكم واحد من الملحقيه يوديكم للملحقيه تروح وتاخذ كل اوراقك وصورك

    وتصور عندهم الا اي توني تعطيهم صوره من بطاقة الاحوال والقبول وتعبي طلب الحاق بعثه ( من عند الدكتور عبدالله بيات )

    اذا اكتملت اوراقك اجلس الين يعبي معلوماتك في الكمبيوتر( ماهوب شرط انك تجلس لكن يفضل الا اذا قال لك رح يعني انقلع فرح وكبهم لانهم بيزبطون اوراقك وبيعطونك رقم لملفك على ماعتقد ) (( يفضل انك تاخذ عنوان شخص في امريكا ورقم جواله عشان يتصلون به للضرورة وتعبيها في النماذج))

    المهم خلنا نقول انك ماقابلت اللي من الملحقيه

    تاخذ تاكسي ويوديك للفندق ( وانا افضل تقول له كوالتي ) لانه رخيص والملحقيه محضرين فيه دايما
    واذا ماجاوك الملحقبه تروح اليوم الثاني

    وتكتب للتاكسي عنوان الملحقيه وتحصل العنوان في موقع الملحقية
    هنا
    http://www.sacmonline.us/new/newsDis...hp?recordID=79

    المهم اذا خلصهنت من الملحقيه تروح للفندق واغلب الفنادق القريبه من المطار عندها سيارات مثل الباص توصل للمطار مجانا ( على فكره اعتقد انها تاخذك من المطار للفندق بعد مجانا )

    المهم رحلتك احسن شي انك تخليها بعد 5 بالليل بتوقيت واشنطن عشان اذا ماخلصت بدري من الملحقيه يكون عندك وقت تروح فيه للمطار

    ( ولاحد ينسى يسوي تشيك اوت اذا طلع من الفندق عشان مايحسبون عليه ايام ثانيه على انك باقي موجود )

    المهم خلصهنت من الملحقيه

    تتجه الى ولايتك وتبداء دراسه ممتعه

    وتتصل فيهم تشيك بعد كل اسبوعين

    اذا عدت شهرين ماجاء شيء كلمهم وقل وش الكلا ذا

    اما اذا وصلت 3 اشهر ماجاء شي قدم شكوى للملحق

    بعدها انتظر اقل من شهر تحصل اسمك باذن الله من الملحقين في البعثات


    واللي عنده اضافات اتمنى لايبخل على اخوانه بها


    اخيرا تمنياتي لكم جميعا بالتوفيق وان تعودوا مسلحين بالعلم والعمل لخدمة وطننا الحبيب الذي لم يبخل علينا بشيء


  4. #4
    طالب جديد


    حالة الإتصال : صوت الشمال غير متواجد حالياً
    رقم العضوية : 14954
    تاريخ التسجيل : Oct 2007
    المشاركات : 25
    صوت الشمال غير متواجد حالياً

    افتراضي


    كفيت ووفيت اخي عواد
    دمت بود


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator