النتائج 1 إلى 7 من 7
  1. #1
    مشرف سابق
    الصورة الرمزية فيصل الحدب

    حالة الإتصال : فيصل الحدب غير متواجد حالياً
    رقم العضوية : 2404
    تاريخ التسجيل : Aug 2006
    الدولة : Dunedin
    المشاركات : 1,693
    فيصل الحدب غير متواجد حالياً

    افتراضي الاسئلة الشائعة تجدها هنا FQA

    الاسئلة الشائعة تجدها هنا FQA

    السلام عليكم سوف تجدون أغلب الاسئلة الشائعة في هذا الموضوع

    السلام عليكم ورحمة الله بركاته
    أخواني انا مسافر الاربعاء القادم على الكاثي باسيفك لنيوزلندا
    ووزن الشنطة الحين 25 كيلو تتوقعون يمشوني
    وخاص انه عندي رحلة داخليه في نيوزلندا ؟


    ---


    الخطوط الداخلية للدرجة السياحية الحد الاقصى فيها عشرين كيلو

    وهذا الجدول للتوضيح :

    > Domestic New Zealand flights

    Economy and Premium Economy 20kg (44 lbs) total


    Business 30kg (66 lbs)
    total

    Infants are entitled to the same baggage allowance as the accompanying passenger, including car seats and strollers, but they are not entitled to any additional allowances linked to the accompanying passengers frequent flyer tier status



    -----

    ثانيا :: ابغى اسئل المبتعثين الي نيوزلندا كم المكافأة الي تنزل بكل شهر بالدولار النيوزلندي ؟
    اما بخصوص المكافاه فهي 2400 دولار نيوزيلندي للمبتعث.

    ---

    وسمعت ان نيوزلندا طفش مافيها شي مو مثل اوروبا ومواصلاتها مو ذاك التقدم ياريت لو توضحون هذه المسالة وجزاكم الله الف خير؟


    أخوي محسن نيوزلندا في تصوري هي الاختيار الأفضل بشكل عام من بين الدول الأخرى ....
    الحمدلله الراتب يكفي وزيادة (على حسب صرفك)

    ليس هناك أي مستدعيات للصرف (يعني جو دراسي 100%مافيها كلام

    وتطمن آخر اطمئنان اللي يبي الزهق اهو اللي يجيبه لنفسه
    واللي يلهى في دراسته والمجتمع اللي حوله والله كأنك حول أهلك
    يعني الشعب في نيوزلندا اجتماعي جدا ومتساعد من جميع النواحي..


    أنا كانت لي تجربة في دولة أخرى وبصراحة عانيت من عنصرية الشعب
    والمشاكل الدراسية التي لم تنتهي...

    والحمدلله كل شي في نيوزلندا غير.......


    ---


    حبيت أسأل ياأخوان أنا إن شاءالله مسافر في تاريخ 21/9/2007

    إلى نيوز لاندا

    سجلت في معهد أسمة أسبكت لمدة ست شهور دورة مكثف ست ساعات باليوم
    مقره في اوكلاند

    شلون أحصل علي القبول
    وشلون أراسل الملحقة هناك وماهي الأوراق المطلوبه ؟


    بخصوص التقديم على الملحقية تقدر تقدم وانت في السنة التحضيرية يعني انا ما شفت ناس ينقبلون في اللغة الا بواسطة طبعا .. يعني نظام الملحقية الموجود في الموقع يقول لازم تخلص 30 ساعة دراسية

    ----

    أخواني تعلمون ما يتعرض له المبتعثين من مشاكل وعمليات نصب من قبل المكاتب المسؤلة عن عمليات القبول وإستخراج الفيزا .

    أخواني وأخواتي الكرام سوف أعرض عليكم مشكلتي وأريد منكم الحل السليم وبماذا تنصحونني أن أعمل وماهي الطريقة المنااسبة ؟

    اخواني الكرام تقدمة الي احد المكاتب المعتمدة من الوزارة والسفارة النيوزلندية لكي أحصل علي الفيزالي ولزوجتي والآن يا أخواني الكرام لي أكثر من شهرين مع العلم أنهم في البداية يقولون الموضوع ياخذ له شهر فقط
    وبعد شهر من تقديم الأوراق تفاجئة باتصال من المكتب يقولون لابد من أضافة شيك مصدق بـ 45 دولار لأن مكتب الهجرة النيوزلندية في بانكوك أضاف الرسوم علي الطلبة ،قلت لا مانع وسحبت لهم شيك مصدق والآن لي أكثر من شهر ولم يفيدونني بأي شي ،،

    فما هو الحل المناسب يا أخواني مع إني أتصل علي هذا المكتب وتبين لي أنهم غير مبالين باالموضوع وذهبت لهم أكثر من مرة ولم أجد أي فائدة فما هي نصيحتكم لي ؟


    ارى انك تكتب خطاب توجهه للوزير تبين فيه ماوجهته من تعامل من المكتب والاضرار اللي لحقت فيك من جراء تأخر المكتب واستهتاره في تخليص معاملاتك

    وتطلب تسليمه للوزير بنفسك او عن طريق شخص تثق فيه

    او تنتظر لين تشوف نهاية الموضوع وبصراحة يا اخي الشي اللي صار معك حصل معي ومع غيرك انا جلسة فيزتي من شهرين الى 3 شهور لين خلصة مع العلم اني مسلمها لهم قبل اي طالب بس الواضح ان المكاتب تحاول باقص جهد انها تحد من خسايرها بأنها تجمع اوراق اكبر عدد من الطلبة وترسلها جميع فا هذا قد يكون سبب وبعدين لاتعطي المكتب اي اتعاب لقاء عمله بس مجرد تعطيهم حق الفيزة لان المكتب مستلم فلوس من الوزارة عشان يخلص اوراقك واذا حاجوك بمسئلة فلوس اطلب منهم ورقة قانونية تثبت هذا الشي وقلهم بقدمها للوزارة عشان يتخوفون من انك تقطع رزقهم.


    ----


    السلام عليكم ورحمه الله وبركاته

    قرار الابتعاث كم مدته صلاحيته ثلاث شهور أو سته شهور؟


    على فرض انتهائه على يستطيع الطالب تجديده مره اخرى لحصول

    ظروف شخصيه حالت دون سفره أثناء مده القرار؟


    أخي الكريم غازي قرار الأبتعاث مدته 6 شهور من تاريخ إصدارة وأما من ناحية إذا إنتهى فقد سألت هذا السؤال لأحد الموضفين في الوزارة وقال إذا إنتهى تستطيع إستخراج قرار إبتعاث آخر ولكن لايتم ذالك الي بتقديم العذر والأثبات باوراق رسمية.



    ---------


    انا عندي شهادة دبلوم مختبرات من جامعه الملك سعود

    (سنتين ونصف) ومعدلي 4.57 من 5 (70 ساعه)وادرس بكليه الرياض لطب

    الاسنان تخصص جراحه وطب

    الاسنان ليفل فور( السنه الثانيه) ومعدلي 4.70 من 5 (58ساعه)هذا غير

    خبره في الوظيفه في وزاره الصحه لمده سنتين (موظف سابق)

    كذلك عمل تطوعي في مستشفى الملك فيصل والملك فهد بالحرس الوطني

    والسعودي الالماني (لمده سنه)

    وأبي أسوي معادله للمواد هذي حرام أعيدها من جديد خصوصا

    الفاونديشن مثل الرياضيايت والفيزياء والكيمياء خصوصا اني درستها

    بكليه الرياض باللغه الانجليزيه والهيلث ساينس على الاقل لو

    يعادلون لي سنتين

    وش الحل يالأجواد أراسل الجامعه ولا اكلم مكتب القبول بالوزاره(جيتهم

    ويقلون خذ وصف المقرارات معك) وش الاجراءات اللتي أتبعها علشان

    أعمل معادله

    والمشكله عدد السنوات اذا لم يعادلوا لي شيء تكون طويله وممله

    لاعاده بعض المواد 8 سنوات وعمري 27 سنه وخصوصا الشروط هذه صعبه

    ومجحفه وقد ينتهي المشوار عند أي خطأ أو تقصير والطلاب العشره

    الذين سوف تختارهم الجامعه كلهم سعوديين أم التنافس من جميع

    الجنسيات؟ وش تنصحوني فيه أكمل في الرياض مع منحه داخليه وأخلص بعد

    أربع سنوات ونصف ولا البعثه تستاهل الواحد يضحي ؟
    طيب أخوي المنافسه على المقاعد هل تكون محصوره بين السعوديين؟


    شف اغلب الجامعات تطلب طبعا بعد ماتخلص اللغه لانجليزية ملخص عن المواد اللي درستها يعني ماتحوية هذي المواد من مواضيع دراسية اذا شافو والله انها تشابه للمنهج اللي بيعطونك راح يعادلونها وهذا طرحه الموضوع احد الشباب في جامعة فكتوريا وقال له المدير حق الجامعة اذا خلصة اللغه انه يجيب اللي ذكرة لك ويعرضها على الدكتور المسؤل عن المادة ويمكن له ان يسقطها عنه بس انت احرص ان تجيب ملخص على ماتحوية المواد بالانجليزي

    اما موضوع تستاهل التضحية فهذا قرارك انت مو قرار اي شخص والله اذا خلصتها وحصلت على شهادة ولغة وكنت متوفق تستاهل التضحية

    وهذا يرجع لك عن مدى طموحك وتطلعك.

    المنافسة تكون بين الطلاب السعوديين ويعتمد على عدد المقاعد المتوفرة للسعودية .. ولكن نصيحتي لك انه حاول تخلي الوزارة هي اللى تكلم الجامعة انها تشيل عنك المواد .. لأنه بكذا يكون موقفك اقوى من انه تكلمهم شخصيا.

    -------


    السلام عليكم ورحمة الله...

    اخواني الكرام تخرجت من الكلية التقنيه بالدمام قسم ميكانيكا تخصص محركات ومركبات دبلوم 3سنوات وبنسبه جيده

    3.71 فهل يوجد جامعه في نيوولندا معترف بها ياليت تحطون الرابط وان وجد تخصص الميكانيكا فلدي بعض الاسئله

    وهي:

    1- بالنسبه للمعيشه هل هي مكلفه؟ولو تضعون مقارنه بدولة اخرى عربيه افضل عشان تكتمل الصوره عندي..

    2-هل المكافئه تكفي ولا لازم ناخذ من الاهل؟

    3- الوضع الامني وهل فيه عنصريه ضد العرب لانه بصراحه اللي نسمعها بامريكا شي يخلي الواحد مايفكر بالابتعاث

    ولكن الطموح نحو حياة افضل وشهاده جامعيه براسي...

    4-وبالنسبه للسكن ياشباب هل تنصحون في عائله ام روميت ام ماذا؟وكم يكلف تقريباً (المتوسط)..؟



    جامعه Auckland University of Technology تقدر تدرس فيها تخصص Certificate in Mechanical Engineering Trade Skills (شهاده في الهندسه الميكانيكيه والمهارات الحرفية) و مدته ست شهور , وهي فرع من القسم الرئيسي الي هو الهندسه الميكانيكية والانتاج (Mechanical and Production Engineering) طبعاً الشهاده هذي مو باكالريوس بس بعد ماتحصل عليها تأهلك تكمل لباكالريوس
    ملف الاكروبات هذا , في صفحه 24 فيه رسم بياني موضحين تدرج الشهادات


    الجامعه لها وكلاء في السعودية , عناوينهم موجوده هنا -------------------------------

    جامعه The University of Auckland فيها تخصص هندسه ميكانيكية للباكالريوس والماجستير Mechanical Engineering . ( رابط )
    تقدر تقدم طلب الدراسة عن طريق النت في هذا الرابط , في الصفحه الاولى حاطين المعلومات الي راح تحتاج في التسجيل وهي : اسم التخصص الي راح تسجل فيه , المؤهلات الدراسية الي حصلت عليها قبل , فيه اسئله معينه لازم تجاوب عليها وتقدر تتنقل بين الصفحات لان الطلب ماراح يكتمل لين تجاوب على الاسئله الضروريه والي راح يحطون جنبها علامه نجمه حمرا * وباقي الكلام في الصفحه مو مهم , بعدها اضغط continue وتنتقل لصفحه الثانيه , الصفحه الثانيه اختار في المنسدله الاولى كلمه overseas وفي المنسدله الثانيه اختر السعوديه , بعدها اضغط create Application وتطلع لك الصفحه الثالثه فيها رقم الطلب الخاص بك مع كلمه المرور .. طبعاً المعلومات هذي تحتفظ فيها.

    -----------------------------------

    جامعه The Unversity of Waikato بعد فيها تخصص هندسه ميكانيكيه للباكالريوس.
    ( رابط )

    ------------------------------------

    جامعه University of Canterbury
    فيها هندسه ميكانيكيه ( رابط )



    بالنسبة للمعادلة للدبلوم من السعودية

    فهذا لن يتجاوز سنه واحدة فقط وسوف تكون هذه

    السنه هي السنة التحضيرية (الفاونديشن)

    ولا يوجد أي معادلة أكبر من ذلك يعني اذا تبي تدرس هندسة ميكانيكا
    بيبقى لك أربع سنوات مع اللغة الانجليزية(اذا عادلوا لك الدبلوم)
    واذا كنت جايب في ILTS أكثر من خمسة ماله داعي تدرس انجليزي
    على طول تقدم أوراقك لجامعة أوكلاند.

    واذا ماعادلوا لك المواد يلزمك أن تدرس السنه التحضيريه في كلية
    ACG وهذه الكلية متخصصة لتأهيل الطلاب لجامعتي أوكلاند للتكلنوجيا وجامعة أوكلاند.



    ---------



    انا وصلني قبول المعهد حق الجامعه ولكن من ذكاء المكتب سجلني كورس مكثف يعني مدتة 6 شهور بمعدل 6 ساعات يوميا مع انو الوزراه ادتني سنه للانجلش وهما طالبين اي ال اس للقبول في الجامعه بس الرجال الي شغال في المكتب يقولي تقدر لمن تروح هناك تمدد الفتره لسنه مامدى صحة هذا الكلام
    وهل بامكاني الحصول ع الدرجه المطلوبه في فترة 6 شهور ؟ هل اقدر امدد لسنه من هناك زي ماقال المكتب ولا فيها اجراءت ثانيه؟



    يا سيدي الكريم الامر يعتمد بالمقام الاول عليك انت شخصيا , يعني اذا ظليت تسولف طول الست شهور بالانجليزي ولا تكلمت ولا كلمة عربي اعتقد انه ست شهور كافية .. لكن اذا بالمعهد تسولف عربي مع خوياك ولا طلعت سولفت عربي مع الشباب .. ماعتقد ست شهور بتكفي.

    يعني الامر كله يعتمد عليك انت .. وربنا يوفقك يا غالي.

    بالنسبة للتمديد

    فالملحقية تسمح بالتمديد مره واحده فقط

    يعني إذا ما كفتك الست شهور تمدد لك ست شهور ثانيه فقط.



    --------------



    أبي اسألكم ايش نظام الاتصالات هناك يعني مثلا أقدر أجيب معي جوالي و احط فيه شريحة و بس؟؟
    او نظام الاتصالات عندهم مثل أمريكا نشتري الجوال من هناك وماتركب عليه الشريحة ؟

    ايه صح و سؤال ثاني
    المكتب اللي حجز التذاكر قالي كل تذكرة معاها شنطة واااااااااااااحده فقط فيها 25 كيلو
    و 5 كيلو في الهاند باغ !
    يتكلم جد هذا و لا ؟؟
    مع العلم انا ما سويت فيزا العجوز اللي بسكن عندها قالت ان الفيزا من هناك اسهل بكثير من هنا اول شي نسوي 3شهور في المطار بعدين نودي الجوازات دائرة الهجرة..

    شرااايكم؟؟


    فيه شركتين فودافون وتيليكوم

    فودافون تقدرين تستعملين جوالك اللى من السعودية وتحطين فيه شريحتهم اما تيليكوم فنفس نظام امريكا يجي الجوال بدون شريحة فلازم تشترينه من عندهم عشان كذا اغلب السعوديين يستعملون فودافون.

    بخصوص العفش يختلف من شخص للآخر بس اعتقد انه تاخذين بحد اقصى 30 كيلو وخمسة كيلو هاند باج .. لانه المشكلة اذا كانت رحلتك داخلية بتتبهدلين ويا الخطوط النيوزلندية اما اذا جاية دايركت لاوكلاند انشالله ماعندك مشاكل.

    كلام العجوز مزبوط .. وتقدرين تسوين هالطريقة بس لا تقولين للجوازات انك جاية دراسة قولي جاية سياحة.

    وبالنسبة للتصالات ترا فيه بطاقات ممكن يستخدمها الواحد بالهواتف العامه بالشوارع او بالهاتف الثابت

    وبعضها ممكن تتسخدمينها من الجوال مباشرة (بس من الجوال ما تعطيك وقت كثير)

    فيه شركات حلوه مثل : توك توك الـ10 دولار يمكن فيها نصف ساعة للجوال بالسعودية

    وفيه : هابي كول الـ10دولار يمكن فيها 50 دقيقة على الهاتف الثابت بالسعودية


    وللمعلموبة لو تتصلين من الهاتف الثابت عند العائلة يعطيك وقت اكثر من الجوال ومن الهواتف العامه.
    بطاقه قولد كانت تعطيك 120 قبل شهر لكن الان تعطيك 20 دقيقه على الثابت و17 دقيقه على الجوال إذا كان اتصالك من جوالك لكن من تللفون العائله تختلف لانك ماتتصل على الرقم المجاني المكون من سته ارقم (015270)اتصل على الرقم اللي موجود فوق في اعلى البطاقه بجوار اوكلاند الرقم (099092500)يعطيك وقت اكثر إذا كانت تتصل من تلفون العائله مو من جوالك .
    واضيف شي بالنسبه لفود فون ترى فيها مميزات كثيرة وأفضل من تلي كوم لان فيها خدمه الاشتراك ب2000 رساله ب10 دولار في الشهر الواحد وتوفر لك احسن من الاتصال بس هذه الخدمه داخل نيوزيندا وليست دوليه ورسايلك تكون على نفس فودفون اضافه لخدمه اشتراك بالانترنت وايضا الاتصال على ثلاثه ارقام من داخل نيوزيلند ونفس شركه فودفون مجانا مقابل رسوم ب6 دولار .
    كما يوجد خدمه الاتصال عبر شركه WOOSH عن طريق الانترنت من خلال اشتراك في الانترنت من نفس الشركه عبر الواير لس وسعر الدقيقه التلفون الثابت ب49 سنت والجوال ب79 سنت .
    وانا انصحك بأن تشترك في خدمه سكايبي من السعوديه وتضيف اللي تبغى تكون متصل معاه بستمرار لانه افضل من الماسنجر صوت وفيديو



    -------------



    عندي سؤال لكل الموجودين في نيوزيلاندا وخاصة الأخ أحمدالمجيدل
    كنت حابة اعرف أقدر آخد معايا الأبازير الخاصة بالطبخ وبن القهوة العربي لأني سمعت ان الاكل هناك غالي وبالنسبة للأجهزة الكهربائيةللإسخدام الخاص مثل الخلاط الكهربائي والمكواة يعني أوفر من اننا نشتري من هناك ؟؟؟




    وعليكم السلام

    اختي العزيزه انا من وجهة نظري حتى ولو كانت غالية ما تجيبي معك اي اغراض وعدة طبخ او كواية ملابس

    لانك راح تشتريها مره وحدة واغلب الشقق والسكن المؤجر يكون في عدة طبخ وغساله وكواية ملابس

    او في مبنى السكن غرفة خاصة لغسيل الملابس تدفع فيها كم دولار وتغسل ملابسك وتكويها

    فارى انه مايحتاج تقعدين تشيلي معك اغراض تضيق عليكم بس وتزود اوزان عليكم بس خوذي ملابس لانها هي اغلا من

    الاكل وغيره انتي تشتري اغراض الاكل وعدتها بقيمة جاكيت هناك.

    بس القهوه مهم خوذي معك قهوة وتمر لانه التمر مو كويس اللي هنا بس اهم شي يكون مفرغ من الهواء يعني مكبوس في اكياس

    وبالتوفيق انشاء الله


    ------------

    اخوي

    انا يوم دخلت الصيف الي فات
    سوو لي قلق عشان تمر

    يقولون ممنوع

    وواحد من الشباب كان في شنطة الهاند باج تفاحة

    ودفعوة 200 دولار غرامة

    يعني الاكل مااظن انهم يسمحون فيه لاني قريت لافتة مكتوب ان اي شي ينأكل ممنوع

    ومدري بعض الشباب ماكلموهم ؟؟


    انا اقولك ليه لانه ما سجل في الورقة اللي يعبيها انه معه تفاحة ولا انا شايف عالم جايبة كراتين تمر بس سجلو انهم معهم تمر واكيد بيعطيه غرامة لانه ما ابلغهم بوجودها اهم شي تسجل وش معك من اكل في ورقة الدخول.


    -----------


    بسم الله الرحمن الرحيم

    أخواني وأخواتي ممن سبقونا الي هذه الدولة ولديهم الخبرة أرجو من الله ثم منكم أفادتي عن بعض الأمور المهمة والتي أحتاج أن تكون لدي معلومات فيها خصوصاً أن عائلتي معي ...

    أخواني وأخواتي زوجتي مبتعثه علي جامعة أوكلاند AUT لدراسة المحاسبة ، ونحن بإنتظار وصول الفيزا بعد أسبوع علي كلام المكتب ،،، والله يعين

    لدي بعض الأسئلة والأستفسارات عن هذه المدينة وعن هذه الجامعة ؟؟

    أولاً : أريد أن أدرس معها في نفس المعهد التابع للجامعة فماهي الطريقة التي تنصحوني بها وكيف أستطيع ألتسجيل في المعهد .حيث أن المرافق يعامل معاملة المبتعث علي كلام الوزارة ( الله يستر من كلام الوزارة )

    ثانياً : ماهي الطريقة المناسبة لأخبار الملحقية بوصولي أنا وزوجتي وإرسال الأوراق لهم ....

    ثالثاً : كيف أستطيع الحصول علي سكن مستقل (ستوديو) وكم أسعارها تقريباً ...أروجوكم مساعدتي في هذا الموضوع

    رابعاً : هل هناك مشكلة علي المرأة التي تغطي وجهها ( النقاب ) أو مضايقات وهل هو شائع بكثرة تغطية الوجه ،،،

    عارف إني زودتها بكثرة الأسئلة بس تحملو شوي

    السؤال الخامس والآخير : المكافئة بتكفينا ولي نحتاج نقول أرسلو ونزعج خلق الله

    تحياتي وأشواقي لكم وياليت ما تبخلون علينا باالأجابات؟


    هلا بالغالي .. انشالله تتوفق في اوكلاند .. وبالنسبة للحجاب فالامر ليس بمستغرب خصوصا انه فيه عئلات سعودية قدامك.

    والمكافاة انشالله تكفيكم .. يعني حسب صرفكم.

    تستطيع الاتصال بالاخوان في الملحقية على العناوين أدناه .. وهم المسؤولين عن فتح الملفات الجديدة للطلاب الجدد:

    أ.محمد ارصد احمد إكمال الملفات الجديدة mohamed_orsod@sacm.org.au 137
    أ. ليث الكناني إكمال الملفات الجديدة laith@sacm.org.au 136

    هلا حياك في نيوزلندا اول شي انت ما يحتاج انك تسوي شي انت تلقائيا بتكون مسجل في المعهد يعني حالك حال المبتعث وثانيا لم توصل المعهد هم نفسهم بيعطوك اوراق علشان تعبيها وترسلها الى الملحقية علشان تبلغ انك وصلت وثانيا بالنسبة الى الاستوديو يعني يبدي من 220 الى 320 بالاسبوع حسب اللي تبيه وحسب الموقع وثانيا بالنسبة الى الحجاب او العباءة ماراح تحصل مضايقات بتاتا



    ------------


    السلام عليكم

    انالدي دبلوم الكليه التقنيه واريد التقديم للجامعات وتعلمون لابد من ترجمه الشهاده وبعض الامور الاخرى .......

    اين يمكنني ترجمه الشهاده ..وكذلك عمل الامور الاخري من التوصيه والسيره الذاتيه وما الى ذلك ؟


    وعلى ما اعتقد اخوي شهادة الكلية التقنية تجيك مترجمة جهة والجهة الثانية عربي فا راح يقبلونها اما السجل الاكاديمي روح للكلية التقنية وتعطيك اياه مترجم اطلب منهم مترجم يعطونك اوكي اما مكاتب ترجمة لشهادة حسن السيرة والسلوك فما ادري بالضبط لك الخيار كل المكاتب ترجم بس اهم شي يصير عندهم ختم معتمد وبس وبالتوفيق اخوي

    -----------------

    ما أفضل الأماكن للسكن ؟ وكم تكلفتها ؟

    وبخصوص السكن فهو يتراوح ما بين 220 الي 160 للاستوديو روم .. وهي عبارة عن غرفه مفروشه من كل شيىء .. اللهم تجيب ملابسك بس ..
    ترى جامعه أوتاقو فيها سكن جامعي وهي عبارة عن Halls لكن أغلب الطلاب اللى أعرفهم ما يفضلونها .. لأنها أغلبها تكون فيها حفلات وخرابيط ..
    كل شيىء فى ذي الديرة يحسب بالاسبوع .. يعني مابين 200 -160 دولار نيوزلندي ( 1دولار نيوزلندي يعادل 2.7 ريال سعودي)

    بالنسبه Halls أعتقد انها تكلف ما بين 200 أو 240 دولار فى الاسبوع .. وهي قريبه جدا من الجامعه .. لكن عيبها الوحيد هو الخصوصيه ..

    فهي معدومه هناك .. أضف الي ذلك أنه صعب تركز فيها .. طبعا هذا الكلام سمعناه من اللى سكنوا في Halls والله أعلم.

    على كلن .. أنت لا تعب نفسك .. لو ما عجبك المكان تقدر تغير بكل سهوله .. يعني المسأله ما تستاهل كل هالتفكير


    ------------

    ماهو الاسم الكامل لجامعة AUT وهل يوجد بها مرحلة للبكالوريوس؟؟

    Auckland University of Technology


    ---------


    وش رايكم بمعهد باكس وود في مدينة اوكلاند
    يقول المكتب ان فيه اقلية عرب وهادئ جدا
    وانا صراحة من جمبها انجلش بس اطقطق حق ابو يومين


    ارجو الرد بسرعة ?



    هذي المعلومات عندي عن المعهد اخذتها من موقهم BUCKSWOOD

    المعهد يقدم دورات كثيرة ومتنوعة لتعلم اللغة الانجليزية , بس بما ان لغتك ضعيفة فا الأافضل لك تاخذ دورة Full Time English

    مميزات الدورة هذي تركز على مهارات القواعد , التحدث , الإستماع , القراءة . الحصص مقسمة إلى قسمين , القسم الاول يكون الصباح ويبدا الساعه 9 - 12 بالتوقي المحلي , ويركز على القواعد , القراءة , والكتابة . القسم الثاني يبدأ الساعه 13- 15 ويركز على توسيع وزيادة المهارات الي درسوها الطلاب الصباح , بأضافه التركيز على مهارات التحدث والإستماع. الكورس هذا مفيد لتطوير مهارات الطلاب في الانجليزي خاصةً للمبتدئين والمتقدمين, وياسسهم للمهارات المطلوبة في اختبارات مثل IELTS, TOEFL ,Cambridge
    الكورس مدعُوم بمصادر معتددة مثل الكمبيوترات , تلفزيونات , فديو وغيرها من الاشياء الي يستخدمها الاستذة في التدريس.

    الدورة هذي للأشخاص من عمر 18 ومافوق , وعدد ساعات الدراسة 25 ساعه في الاسبوع .
    جدول الحصص تلقاه في الرابط هذا .

    بالنسبة لموقع المعهد .. يقع على الشاطئ الشمالي لأوكلاند وفي عام 2005 تم اختيار موقعه كاواحد من افضل عشر مواقع للدراسة . المعهد يبعد مسافه 6 دقائق عن شاطئ تاكابونا ومسافه دقيقتين عن بحيرة للأسماك.

    السكن مع عائلة يوفرها المعهد : العائلة المضيفه راح توفر وجبات الفطور والعشاء خلال ايام الاسبوع , وتوفر كل وجبات الأكل خلال نهاية الاسبوع. راح يكون لك غرفة خاصه , مكيف , طاولة للدراسة , بطانيات إضافية , و خدمة أنترنت (تأكد من وجود خدمة الأنترنت مسبقاً)

    تكلفه السكن :
    لطلاب تحت عمر 16 سنه : NZ$220 كل أسبوع
    لطلاب فوق 16 سنه : NZ$200 كل اسبوع



    ----


    لقد صدر قرار ابتعاثي لنيوزيلندا وأنا في مرحلة استخراج الفيزا ولقد ارسلت اوراقي اليوم للسفاره في دبي بعد ان كملت جميع الطلبات (خطاب السفاره_ الضمان المالي_ الكشف الطبي_ كل الطلبات) سؤالي اخ فيصل كم تأخذ الأجراءات علما بأن بداية دراسة اللغه 5فبراير وهل التأشيره معقده ومن الممكن ترفض علما بأن مبتعث على حساب الدوله ?


    لا تاكل هم يا أخي أنت مبتعث على الوزارة وأمورك راح تكون ماشية بأذن الله .. وفي اسوأ الاحوال تقدر تجي بفيزا زائر وبعدين تعدلها الي فيزة طالب .. لكن أنصحك لا تستعجل .. عط المعاملة فترة أسبوع الي اسبوعين والفيزا بتكون عندك انشالله


    ---------------


    هل الفحص الطبي الزامي لطلبة الدراسات العليا في نيوزلندا ...


    لاني اشوف موقع التعليم العالي حاطين الفحص الطبي لطلبة البكالوريوس فقط ..

    ياليت احد يفيدنا وبسرعه لو تكرمتوا?


    شنو تفصد بالفحص الطبي ؟

    هل هو الفحص الطبي الذي يسبق الفيزا ؟ أذا كان هذا هو فالاجابة نعم .. الفحص الطبي شرط أساسي للحصول على فيزا الطالب.

    بينما فيزا الزائر ممكن أصدارها بدون الفحص الطبي.



    --------------


    السلام عليكم ورحمه الله وبركاته

    الاخوة الاعضاء تحية طيبة وعطرة وبعد :

    قررت بعد عناء ودقة ان ادرس اللغة الانجليزية في كريستشرش

    ولكن كيف الاجواء على مدار العام

    وهل صحيح ان الاجواء الان باردة جداااااااااا؟!

    وهل هناك مكتب او شخص سياعدنى من هناك?


    درجه الحراره الأيام هذي مابين 15 - 19 درجه مئويه في النهار , و مابين 8 - 12 في الليل والأجواء غائمه وممطره ------------> احس اني مذيعه اخبار
    شروق الشمس الساعه 6:20 وتغرب 9:4 ... نسبه الرطوبه 80%

    المواقع هذي تعطيك معلومات عن اجواء كيستشرش على مدار السنه

    wunderground

    weather.noaa

    weather.cnn




    ---------------

    السلام عليكم ورحمه الله وبركاته


    ارغب دراسة اللغة الانجليزية وكذلك الماجستير في الاعلام والعلاقات العامة ومحتار بين نيوزيلاندا واستراليا .

    ولدي بعض الاسئلة وأتمنى ان تساعونى عليها ولكم جزيل الشكر

    1) أى من استراليا ونيوزيلاندا تكون اجوائها حلوة على مدار العام _ بصراحة يزعجنى البرد

    2) اى أكثر تأقلم .

    3) وجود المساجد والاكل الحلال .

    4) ؟أسهل واسرع مكتب ينجز القبول والفيزا .

    5) أقلهم تكاليف

    6) اسهل دراسة ومرونة .

    7) تعامل العوائل مع الطلاب من ناحية السكن .?



    السلام عليكم

    سأجيبكم بما أعرفه .. وسامحني على التقصير :

    نيوزلندا خصوصا الجزيرة الجنوبية أبرد من أستراليا ..فأذا يزعجك البرد .. رح لاستراليا.

    كلاهما فيهم نسبة كبيرة من العرب ..فأعتقد ما بتواجه مشاكل في التأقلم.

    المساجد أصبحت ولله الحمد والمنه في كل مكان ..

    النيوزلنديين أكثر مرونه من الاستراليين.

    ودمت بخير


    ------------


    السلام عليكم ورحمة الي الاستاذ العزيز
    حبيب اسالك

    كم لازم اجيب في التوفل عشان ادخل جامعة اوتاغو ؟
    وهل القبول في الجامعات سهل ؟
    وكم تاخذ لين تطلع فيزا طالب ؟
    وهل معاملة النيوزليندين كويسة .؟
    وكم عدد السعودين تقريبا هناك ؟
    وهل هناك ملاعب كورة ومرافق ؟
    وهل هي امنة ؟
    وهل هناك تخصص صحة فم واسنان ؟
    وماهي تخصصات الاسنان الموجودة ؟


    أهلا أخي الكريم

    تحتاج الي 5.5 للدخول في السنة التحضيرية والتي تسبق الجامعة.

    القبول بصراحة صعب في التخصصات الطبية لأعتماد الجامعة على مبدأ المنافسه في اختيار الطلاب أصحاب الدرجات العالية.

    النيوزلنديين شعب طيب جدا من وجهة نظري الشخصية مقارنة بباقي شعوب العالم.

    اعداد السعوديين تختلف من مدينة للأخرى.

    الديرة جدا آمنه.

    تستطيع أن تذهب الي الصفحة التالية للأطلاع على التخصصات الموجودة في جامعة أوتاجو.
    www.otago.ac.nz

    الفيزا تأخذ حوالي اربعة أسابيع لاستصدارها.

    الدراسه عادة تكون بالفصول .. يعني السنة تفسم الي فصلين الاول والثاني.

    وأرجو أن أكون وفقت الي اجابة أسألتك .. ودمت بألف خير


    -------


    ابي اعرف اذا بحول من ماليزيا الى نيوزلاندا كيف اطلع التأشيرة من ماليزيا وكيف احول بعثتي من الوزارة والملحقيه
    انا حاليا في ماليزيا ?



    التحويل يتم عن طريق الحصول على قبول من أحد جامعات نيوزلندا وأرسال أوراقك الي الملحقية الثقافيه في أستراليا التي سوف تقوم بأرسالها الي وزارة التعليم العالي والتي سوف تنظر في أسباب تحويلك وقد توافق عليها وقد لا توافق.


    -------------


    السلام عليكم ورحمة اله وبركاته
    وأسعد الله أيامكم
    سؤال للإخوة اللذين حصلو على فيزة طالب جامعي للدخول للأراضي النيوزلندية
    فماهي هي الأوراق المطلوبة منهم ومن أين يمكن الحصول على كشف طبي معتمد لدى السفارة وماهو نوع الفحص وماهي الرسوم المطلوبة لإستخراج الفيزه
    من أجل إستخراج الفيزة وكم المدة التي إستغرقتها للحصول على الفيزا
    وهل يكفي حصولي على قبول في معهد اللغة للحصول على فيزة اطالب وهل سبق لأحدكم زيارة السفارة النيولندية في الرياض وطلب الفيزا أقدمه في الرياض وهم يرسلونه لدبي ولا أنا أرسله مباشرة لدبي
    آسف جداً على هذي الإطالة في الأسئلة ولاكن كلي رجاء أن أجد إجابات في هذا المنتدى الرائع
    لأني بصراحة أحب إني أروح هناك وأنا مرتاح البال وأوراقي كاملة ولا نضيع هناك ?



    الاوراق المطلوبة بتحصلها في السفارة النيوزلندية .. لكنها باختصار عبارة عن فحص البصمات + الفحص الطبي

    الفحص الطبي فيه قائمة بالمراكز الطبية المعترف فيها من قبل السفارة النيوزلندية بتحصلها عند السفارة.

    وكم المدة التي إستغرقتها للحصول على الفيزا هذي يعتمد على القنصليه في دبي .. والزحمة اللى عندهم.

    وهل يكفي حصولي على قبول في معهد اللغة للحصول على فيزة اطالب .. أعتقد انه كافي .. لكن حتى لو ما كان كافي تقدر تجي نيوزلندا بفيزا زائر وبعد وصولك تقدر تغيرها الي فيزا طالب .. يعني الامور سهالة وانا اخوك.



    -----------


    السلام عليكم
    أنا إنشاءالله رايح أدرس إنجليزي في نيوزلاندا وبس حبيت أعرف هل جهازي (موبايل NOKIA ) يعمل في نيوزلاندا ولا لازم أشتري جهاز ثاني في من نفس البلد مثل كندا يعني.... وبس ? سؤال ثاني : هل خدمة الإنترنت عندهم مجانيه او غير مجانيه أقصد في السكن مع العائله?


    أجهزه الجوال الحديثه صالحة ف كل مكان بالعالم .. وكل الشباب اللى عندنا جايبين جوالاتهم من السعودية أو من الامارات .. فلا تخاف من هالناحية.

    أما بخصوص الانترنت فهو يعتمد على العائلة نفسها اذا يبون يخلونك تشتغل على النت مجانا .. بس غالبا ما يخلونك لانه الشغلة مكلفة ماديا.



    --------------


    السلام عليكم ورحمة الله وبركاته
    الى الاخوة الدارسين بنيوزلندا واللي عندهم اطفال بالمدارس هل تسجلون ابنائكم بالمدارس النيوزلندية والا ايش الطريقة وماهي المدارس المعتمدة من الوزارة في نيوزلندا؟
    ولكم جزيل الشكر?


    أنا بصراحة ماعندي أطفال لكن واحد من أصحابي عنده طفلين وكان يدرسهم في المدارس النيوزلندية وفيه مشرف من الملحقيه يجي كل سنة ويختبر الاطفال السعوديين .. لكن عشان ما أوهقك معاي الافضل تتصلين في الملحقية السعودية في أستراليا وتستفسرين منهم أفضل.
    على فكرة الملحقية الثقافية تدفع رسوم مدارس الأبناء من الصف الأول الإبتدائي

    وماعدا ذلك مثل الحضانة فلا تدفعه

    وتجدي في الموقع التالي ((

    اضغطي هنا)) نموذج تسجيل الأبناء في المدارس والشروط المطلوبة لذلك والتي منها


    اقتباس:
    (( شروط القبول والتسجيل في الأكاديميات والمدارس السعودية في الخارج ))
    أولا : القبول بالصف الأول الابتدائي
    1 ) يبدأ التسجيل للصف الأول الابتدائي مع بداية الفصل الدراسي الثاني من العام الدراسي الذي يسبقه للطلبة الذين يكملون من العمر ست سنوات هجرية مع بداية أول يوم من الدراسة وذلك حسب تاريخ الميلاد المسجل في الوثائق الرسمية ، ويمكن التجاوز عن تسعين يوما فقط كحد أدنى ،أما الحد الأعلى للقبول بالصف الأول الابتدائي فهو ثمان سنوات ، وينتهي القبول بعد مضي شهر من الدراسة باستثناء المقيدين أو المنقولين .
    2 ) صورة من شهادة الميلاد أو السجل المدني أو الجواز مع الأصل للمطابقة .
    3 ) صورة من الإقامة سارية المفعول مع الأصل للمطابقة .
    4 ) تعبئة بطاقة التسجيل الخاصة بالأكاديميات والمدارس السعودية في الخارج .
    5 ) تعبئة بيانات السجل الشامل الخاص بالطالب .
    6 ) إجراء الكشف الطبي على الطالب وإرفاق تقرير طبي يوضح سلامة الطالب من الأمراض المعدية وسلامة الحواس .
    7 ) عدد (4 ) صور شمسية مقاس 4x6
    8 ) صورة من شهادة التطعيم مع الأصل للمطابقة .
    9 ) الأفضلية في القبول للطلبة السعوديين ومن ثم الجاليات العربية والإسلامية .
    10 ) تسديد الرسوم الدراسية للطلبة غير السعوديين .
    11 ) ملف علاقي لحفظ أوراق التسجيل للطالب .
    ثانياً ) القبول في الصفوف الأخرى من المرحلة الابتدائية والمتوسطة والثانوية
    1 ) إحضار الشهادات الأصلية لانتقال الطالب من صف إلى آخر ، وأن تكون موثقة من الجهات المختصة في حال أن الشهادات ليست من إحدى الأكاديميات أو المدارس السعودية في الخارج أو من المملكة ، وأن يتطابق الاسم مع الوثائق الخاصة للطالب.
    2 ) تعبئة بطاقة التسجيل الخاصة بالأكاديميات والمدارس السعودية في الخارج .
    3 ) تعبئة بيانات السجل الشامل الخاص بالطالب .
    4 ) أن يكون عمر الطالب مناسباً للصف الدراسي الذي يرغب التسجيل فيه .
    5 ) صورة من شهادة الميلاد أو السجل المدني أو جواز السفر مع الأصل للمطابقة .
    6 ) صورة من الإقامة سارية المفعول مع الأساس للمطابقة .
    7 ) إجراء الكشف الطبي على الطالب وإرفاق تقرير طبي يوضح سلامة الطالب من الأمراض المعدية وسلامة الحواس .
    8 ) تسديد الرسوم الدراسية للطلبة غير السعوديين
    9 ) عدد (4 ) صور شمسية مقاس 4x6
    10 ) إنهاء إجراءات المعادلة في حال الحاجة إلى ذلك قبل اختبارات الفصل الدراسي الأول ووفقاً لما ورد في دليل المعادلات .
    11 ) أن تتم عمليات التحويل بين أقسام التعليم الثانوي خلال الأسبوع الأول من بداية العام الدراسي ووفق الضوابط المحددة لذلك .
    12) أن لا يترتب على قبول الطلبة غير السعوديين فتح فصول دراسية أو تحميل المدرسة نفقات مالية إضافية .



    ------


    حبيت أسأل عن موضوع الفيزه من نيوزيلندا تطلب فحص والكلام الكثير هذا ...
    وبعدين يعطون على مدة الدراسه كامله وإلا سته أشهر وللازم أمدتها إذا أنتهت....؟



    الفيزا تتطلب فحص طبي وبيكون صالح لمدة سنتين .. وبخصوص مدة الفيزا يعتمد على مكان اصدارها .. اذا حصلتها من دبي مثلا بتكون لمدة صلاحية الجواز واذا طلعتها من نيوزلندا بتكون لمدة سنة.



    -------



    ماعندي شهادة ميلاداقدراحصل على قبول في اي جامعه نيوزلينديةوهل هي من متطلبات الفيزا ؟

    شهادة الميلاد ليست مطلب أساسي للحصول على الفيزا.


    ------------

    طيب السؤال الاهم على هاذي الاجراءات اللي يبونها كلها في كم اسبوع تطلع الفيزا ؟؟؟
    وهل نقدر نعمل هالاجراءات في سفارة غير الي بدبي مثلا في البحرين ولا لازم دبي ؟
    و الفصح الطبي وين نسويه (( أنا ساكنة بالشرقية )) ؟



    مافيه قنصلية في البحرين .. حسب معلوماتي.

    وفيه قائمة بالمختبرات الطبية المعترف فيها من السفارة النيوزلندية .. تستطيعين يا اختي الحصول عليها بالاتصال بالسفارة.

    مدة الحصول على الفيزا تختلف من طالب للآخر بس اذا اوراقك كاملة انشالله ما راح تتأخر.

    والله الموفق.
    --------------

    لوسمحتو ماهي أفضل الجامعات الي تدرس الهندسة الكهربائية تخصص ( هندسة الكترونية أو هندسة اتصالات ) للماجستير؟

    وجزاكم الله الف خير



    مرحبا اخوي

    اعتقد جامعة ماسي متخصصة بالتخصصات الهندسية

    وبالتوفيق



    -----------

    لدي بعض التساؤلات واتمنى ممن لديهم المعلومات والخبر إفادتنا بها:

    متى ينتهي موعد تقديم الطلبات للقبول؟ومتى يبدأ الفصل الأول والثاني؟
    اش هي المتطلبات الأساسية حتى يتم القبول في هذه الجامعات وهل هناك متطلبات إضافية للطلاب المتقدمين لتخصص الطب والجراحة؟
    وبخصوص السنة التحضيرية(الفاونديشن) اش هي المواد التي تدرس وهل فيه نسبة معينة يجب الإتيان بها حتى يتم قبول الطالب في كلية الطب والجراحة؟ المواد بشكل عام كيف مستواها صعبة متوسطة أو سهلة؟
    وماهي بوجهة نظركم أفضل الجامعات في هذا التخصص واللي يكون فيها طلاب سعوديين لابأس فيه؟



    الدراسة في سنة الفاونديشن تبدأ في فبراير أو في جون ..يعني ممكن تلتحق بالفصل الاول او الثاني.

    طبعا اذا كنت على حسابك الخاص مو شرط تجيب درجة كويسة في الفاونديشن عشان تقبل في الطب ولكن اذا كنت على البرنامج الامر يختلف.

    الطب يعتمدون درجة Health Science Year المفروض تجيب فوق ال70 بالمية في كل المواد , وبعد كذا تدخل في منافسة مع باقي طلاب اللى عددهم ذي السنة تجاوز ال2500 طالب.

    واذا عديت هذا كله يبقى عندك اختبار UMAT اللى يختبرك في أمور مالها علاقة بالدراسة اكثر مالها علاقة بشخصيتك وطريقة تفكيرك.

    واذا عديت هذا كله يا سيدي الكريم بتدخل الطب.

    طبعا اذا انت على البرنامج ما راح تدخل بالحوسة هذي كلها.

    اتمنى اني جاوبت على سؤالك ..

    الطيب .. نبته

    سمادها من [blink]ترابي[/blink] ...!!


    --------

    الاسئلة الشائعة عن الدراسة في نيوزلندا FAQ

    http://www.ksastudents.com/vb/t17391.html

  2. #2
    طالب جديد

    حالة الإتصال : abook37 غير متواجد حالياً
    رقم العضوية : 26361
    تاريخ التسجيل : Apr 2008
    المشاركات : 1
    abook37 غير متواجد حالياً

    افتراضي


    ياشباب انا ودي ادرس في النيوزلندا بس ابي اسأل انا اذا جيت فيزة سياحة 3 شهور واذا حبيت احولها من النيوزلندا فيزة طالب ولكم جزيل الشكر


  3. #3
    طالب جديد
    الصورة الرمزية E.Engineer

    حالة الإتصال : E.Engineer غير متواجد حالياً
    رقم العضوية : 26667
    تاريخ التسجيل : Apr 2008
    الدولة : KSA
    المشاركات : 35
    E.Engineer غير متواجد حالياً

    افتراضي


    السلآم عليكم ورحمة الله وبركااااته

    انا متخرج من كلية تابعه لجامعه الملك فهد للبترول والمعااادن
    تخصص Electrical & Electronic Engineering

    دبلووم عالي _ Associated Degree

    اخواني الكرام ..

    هل في جامعات قويه بنيوزيلندا فيها نفس تخصصي ؟ تعادل ساعات

    وكيف التقديم عليهاا ؟ هل يوجد بديرتنا مكاتب تراسلهم ؟


    ارجوووكم ساعدووووني


  4. #4
    طالب جديد

    حالة الإتصال : ابو محمد المسلم غير متواجد حالياً
    رقم العضوية : 27048
    تاريخ التسجيل : Apr 2008
    المشاركات : 2
    ابو محمد المسلم غير متواجد حالياً

    افتراضي


    السلام عليكم 000

    ارجوا من الاخوة الكرام الذين لديهم معلومات او خبرة عن الدراسة في نيوزلند00افادتي بالتالي

    1- انا اريد دراسة اللغة الانكليزية لمدة عام على حساب جهة حكومية 00 لكن مطلوب موافقة من جهة معهد او جامعة

    فما هو أفضل معهد من حيث الدراسة والاجواء العامة من سكن وتكاليف 0000الخ


    2- ارغب في ان تكون عائلتي معي (زوجتي وثلاثة اطفال اولاد الاول في صف اول متوسط الثاني في صف خامس 00الثال لا يدرس 5سنوات 000

    فما هي طريقة الحاقهم في المدارس وهل تتوفر مدارس سعودية او بأشراف سعودي


    ارجوكم احتاج الى ارشادكم 00وجزاكم الله خيرا


  5. #5
    طالب جديد


    حالة الإتصال : صيدلي1 غير متواجد حالياً
    رقم العضوية : 27856
    تاريخ التسجيل : May 2008
    المشاركات : 14
    صيدلي1 غير متواجد حالياً

    افتراضي


    لو سمحتوا عندي دبلوم صيدلة وابغى شهادة البكالريوس من احد جامعات نيوزلندا (1) وشتنصحون اي جامعة تكون اسهل وفيها عرب اكثر ..(2) وبالنسبة لمعادلة الشهادة ممكن يعادلون لي سنة او اكثر شالمطلوب عشان يعادلونها _الكتب نفسها اللي درسناها ولا ايش_ ,(3) واذا جبت التوفل يلغون المعهد؟ ,(4) كم عدد سنوات دراسة البكالريوس بالصيدلة سمعت 4 سنوات بدون معهد اللغة بس هل فعلا في سنة خامــ5ـسة للتدريب بعد الدراسة؟؟؟ تكفون ابغى الجواب الشافي(5) متى ابتدي التقديم حق 2009 ومتى تبدا الدراسة دوهل هي موحدة في الوقت في كل الجامعات ؟؟؟

    الله يجزاكم خير


  6. #6
    طالب جديد

    حالة الإتصال : أبوناصر غير متواجد حالياً
    رقم العضوية : 18428
    تاريخ التسجيل : Nov 2007
    المشاركات : 3
    أبوناصر غير متواجد حالياً

    افتراضي


    اقتباس المشاركة الأصلية كتبت بواسطة ابو محمد المسلم مشاهدة المشاركة
    السلام عليكم 000

    ارجوا من الاخوة الكرام الذين لديهم معلومات او خبرة عن الدراسة في نيوزلند00افادتي بالتالي

    1- انا اريد دراسة اللغة الانكليزية لمدة عام على حساب جهة حكومية 00 لكن مطلوب موافقة من جهة معهد او جامعة

    فما هو أفضل معهد من حيث الدراسة والاجواء العامة من سكن وتكاليف 0000الخ


    2- ارغب في ان تكون عائلتي معي (زوجتي وثلاثة اطفال اولاد الاول في صف اول متوسط الثاني في صف خامس 00الثال لا يدرس 5سنوات 000

    فما هي طريقة الحاقهم في المدارس وهل تتوفر مدارس سعودية او بأشراف سعودي


    ارجوكم احتاج الى ارشادكم 00وجزاكم الله خيرا


    :::::::::::::::::::::::::::::::::::::::::::::::::: ::

    للرفع والإادة رفع الله قدر صاحب الموضوع ومن يفيدنا في الموضوع


  7. #7
    طالب جديد

    حالة الإتصال : التاج الذهبي غير متواجد حالياً
    رقم العضوية : 29861
    تاريخ التسجيل : Jun 2008
    الدولة : ksa
    المشاركات : 1
    التاج الذهبي غير متواجد حالياً

    افتراضي


    اقتباس المشاركة الأصلية كتبت بواسطة أبوناصر مشاهدة المشاركة
    :::::::::::::::::::::::::::::::::::::::::::::::::: ::

    للرفع والإادة رفع الله قدر صاحب الموضوع ومن يفيدنا في الموضوع

    ارجو من الاخوان الرد ومشكورين مقدماً


المواضيع المتشابهه

  1. بعض الاسئلة عن الفيزا
    بواسطة بندر الرياض في المنتدى ساحة طلبة المملكة المتحدة و ايرلندا
    مشاركات: 5
    آخر مشاركة: 01-17-2011, 11:19 PM
  2. الأسئلة الشائعة للطلبة الجدد .... متجدد
    بواسطة البري في المنتدى ساحة طلبة الولايات المتحدة الأمريكية
    مشاركات: 87
    آخر مشاركة: 10-20-2010, 11:58 PM
  3. اذا جاوبتم على الاسئلة اطردوني من النتدى
    بواسطة إبراهيم المشاري في المنتدى ساحة الترفية
    مشاركات: 20
    آخر مشاركة: 08-27-2007, 10:42 PM
  4. ملفات التجسس في جهازك كيف تجدها وتزيلها ؟؟..؟؟
    بواسطة @KHALID@ في المنتدى ساحة الكمبيوتر و البرامج و الإنترنت
    مشاركات: 2
    آخر مشاركة: 03-27-2007, 12:59 AM
  5. إحذر أخي المسلم قد تجدها على ملابسك
    بواسطة spy1 في المنتدى الساحة العامة
    مشاركات: 5
    آخر مشاركة: 03-26-2007, 07:34 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator