الموضوع: من الأخير فيه مضايقات في امريكا ولا مافيه؟

مافيه مضايقات

المضايقات عندنا بالسعودية .

السلام عليكم اخ العرب،،،،،،،،،،،
اخي العزيز محدثك يكلمك حالياَ من بالتيمور في ولاية ميرلاند وانا صارلي الحين بالضبط 16يوم من وصلت ، وللامانة انا قبل لا أجي سمعت الكثير من الحكايات عن المضايقات وخصوصاَ بالمطار وبالذات مطار جون كنيدي، ونزلت من الطيارة ورجولي يالله شايلتني من المحاتات والخوف ويوم وصل دوري للكاونتر ماطولت بدون مبالغة اكثر من 10 دقايق وكلها نص ساعة وانا بره المطار ناطر باص الفندق، وانا من وصلت وطايحله فراره وهياته بين هل المجمعات والاسواق وامشي كثيراَ بين الحارات اللي غالبيتها سود والله ثم والله ولا اي مخلوق ناظرلي او سمعني كلمة غلط، وللامانة شعب جداَ جداَ ودود ولطيف الى ابعد الحدود، وهذا الكلام ينطبق على كثير من الخليجيين اللي صادفتهم هنا ومع نسوانهم بلبسهم الاسلامي المميز، ولكن هناك من واجهه بعض التأخير في المطار وطلبوا منه تعبئة بعض البيانات الاضافية على كلامهم ، واعتقد للحظ دور في مواجهة البعض لبعض المواقف السيئة اللي نسمع عنها، فأتكل على الباري عز وجل والله خير الحافظين.
وتقبل مروري ،،،،،،،،،،،،،،،،،،،،،،،