صفحة 1 من 2 12 الأخيرةالأخيرة
النتائج 1 إلى 10 من 13
  1. #1
    طالب مجتهد
    الصورة الرمزية أبو شادن عبيد

    حالة الإتصال : أبو شادن عبيد غير متواجد حالياً
    رقم العضوية : 5074
    تاريخ التسجيل : Jan 2007
    المشاركات : 195
    أبو شادن عبيد غير متواجد حالياً

    افتراضي اربع بنات مغرزات بالصمان

    اربع بنات مغرزات بالصمان

    البر وما أدراك ما البر ... فيه وناسه وفيه بعض الأحيان تعاسة


    في ربيع هالسنه 1427هـ أتفق الشباب في الاستراحة على طلعت بر .. وقالو لي يابو سطام معنا فيها قلت والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا هات ما عندك يا بو ثامر قلت الأول أم أعيالي أبشاورها .. والثانية أبروح في سيارتي ولا أبي أحد معي ... قالو أفأ ليه قلت من غير ليه .. قالوا أبشر والوعد بكرة في ( أم أرقيبة ) الساعة 12 الظهر عشان ندخل الصمان بدري قبل تظلم العين ...... شاورت أم العيال ولا مانعت ... حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازين الصمان أرض خضر اء ودفى ووناسه .. جلسنا في أم أقرين ومشينا فيه الين مناخ .... قضينا في الصمان خمس أيام راحة كنها ليلة .. أنا أنشغل بالي مع أم العيال والعيال وأمي .. قلت للربع أنا أبمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .... أنتم وسعوا الصدر وأنا أبقطع النفود ثم أتوجه يم الديرة .. قالو ما نقول شي خذ راحتك بس خل الكنود شغال وبرمج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .... قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت ( الأعصل ) وادي شرق تمير عرفته من الطلح يوم كنا نصيد فيه ..
    الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة ..
    الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ....



    غاب القمر يا ناس والراس محتــــــاس .... في وسط وادي كل أرضه حصاني
    لا جيت أنا أبمشي فيه والموتر الشاص .... قـام يتمايــل فوق رمــــث حدانـــي
    شبيت ناري واعتـــــــلآ النار محمــاس .... لعل ضيـــفي شــم نــــاري وجانــي
    هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي



    وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته ..
    بس الصياح كنه أرتفع وأرتفع معه أزعاق وكن أحد يحاول يسكته بالقوة ......
    الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .... أنا قلت هالكلمة ولا الص ياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .... وأنا أحاول أركب البكرة في موترهم الآ والسواقة طابة معي في الطين قلت يا بنت الناس استريحي ما عليك من شي أذا أحتجتك ناديتك قالت عيب علينا حنا بنات أرجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب ..
    وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..



    أوا هني اللي علي النـفد نايـم ... أمجاور نار الدفا من غضاها
    قناص أو كشـات فوقـه عـزايم ..... ربعـه يدلـونه الي هو نـواها
    تركت أنا الصمان والجوغـايم ..... قاصـد أبي الديرة وقلبي نواها
    لقيت أنا المزيون والقلب صايم ... عن الحرام اللي أبعد هواهـا



    .... ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
    قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..
    قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيو ب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال: تقولي لا من أنت يا لوح علشان تقولي لا .. مسك الدلة وضربني علي راسي



    ( وأنا أقوم من النوم وأتعوذ من الشيطان وأنقلب علي جنبي الثاني وأنام )


    ياكثر الشباب الي يقولون كذا:
    والله ياني خشيت جو مع هالقصة وتمنيت لو اني انا الي مساعد هالبنات
    لكن يوم شفت العلوم فيها ضرب بالدلة على الراس تغير الوضـع

    منقول

    إذا شئت أن تحيا ودينك سـالمٌ ***وحظُّك موفورٌ وعرضُكَ صَيِّـنُ
    لسانَك لا تذكر به عورة امرئ*** فعندك عورات وللناسِ ألسـنُ
    وعينك إن أبدت إليك معايبــاً ***لقوم فقل : يا عينُ للناس أعـينُ

  2. #2
    طالب جديد

    حالة الإتصال : arab mix غير متواجد حالياً
    رقم العضوية : 5913
    تاريخ التسجيل : Feb 2007
    المشاركات : 38
    arab mix غير متواجد حالياً

    افتراضي


    الله يهديييييييييكـ خشيت جوووووووووو مع القصة وفي الاخر لوح ونوم صدق انه لوح...

    هههههههههههههه

    يعطيكـ العافية نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  3. #3
    طالب جديد
    الصورة الرمزية العنصري

    حالة الإتصال : العنصري غير متواجد حالياً
    رقم العضوية : 10729
    تاريخ التسجيل : Jul 2007
    المشاركات : 48
    العنصري غير متواجد حالياً

    افتراضي



    أول مرة أندمج مع قصة زي كذا في حياتي

    عموماً الله يسامحك بس



    شديتني على طلعة البر حسبي الله على ابليسك ( لا ......................وقصايد بعد )



    قصة مشوقة

    تحياتي

    العنصري


  4. #4
    طالب جديد

    حالة الإتصال : KOQ غير متواجد حالياً
    رقم العضوية : 10094
    تاريخ التسجيل : Jun 2007
    المشاركات : 6
    KOQ غير متواجد حالياً

    افتراضي


    هههههههههههههههههه
    يازين سوالفك يا د.عبيد
    ولله انها جت بوقتها ... ضايق صدري والرحله قريب

    الا بشرني وش صار على فيزتك ؟

    تقولي البر ؟ درجه الحراره عندنا بالشرقيه ... فوق الاربعينات .. وانا بعت الجيب خلاص نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  5. #5
    طالب جديد


    حالة الإتصال : s3oood123 غير متواجد حالياً
    رقم العضوية : 7285
    تاريخ التسجيل : Apr 2007
    المشاركات : 48
    s3oood123 غير متواجد حالياً

    افتراضي


    قصه خطيييره......

    يعطيك العافيه اخوي


  6. #6

    افتراضي


    بلاك راعي بر يا عبيد والله يا أنت بتسمع بالبر والمكاشيت لجيت أستراليا يعني تبي تكثر أحلامكنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    في حال عدم حصولك على رد على مشاركتك أو طلبك في ساحة أستراليا أرجو
    مراسلتي على الخاص



    نشيد أشد الجهاد
    http://www.alafasy.com/newsite/liste...CA%DE%ED%ED%E3

  7. #7
    طالب مجتهد
    الصورة الرمزية أبو شادن عبيد

    حالة الإتصال : أبو شادن عبيد غير متواجد حالياً
    رقم العضوية : 5074
    تاريخ التسجيل : Jan 2007
    المشاركات : 195
    أبو شادن عبيد غير متواجد حالياً

    افتراضي


    اقتباس المشاركة الأصلية كتبت بواسطة arab mix مشاهدة المشاركة
    الله يهديييييييييكـ خشيت جوووووووووو مع القصة وفي الاخر لوح ونوم صدق انه لوح...

    هههههههههههههه

    يعطيكـ العافية نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    سعدتُ بمرورك
    وصح النوم

    إذا شئت أن تحيا ودينك سـالمٌ ***وحظُّك موفورٌ وعرضُكَ صَيِّـنُ
    لسانَك لا تذكر به عورة امرئ*** فعندك عورات وللناسِ ألسـنُ
    وعينك إن أبدت إليك معايبــاً ***لقوم فقل : يا عينُ للناس أعـينُ

  8. #8
    طالب مجتهد
    الصورة الرمزية أبو شادن عبيد

    حالة الإتصال : أبو شادن عبيد غير متواجد حالياً
    رقم العضوية : 5074
    تاريخ التسجيل : Jan 2007
    المشاركات : 195
    أبو شادن عبيد غير متواجد حالياً

    افتراضي


    اقتباس المشاركة الأصلية كتبت بواسطة العنصري مشاهدة المشاركة

    أول مرة أندمج مع قصة زي كذا في حياتي

    عموماً الله يسامحك بس



    شديتني على طلعة البر حسبي الله على ابليسك ( لا ......................وقصايد بعد )



    قصة مشوقة

    تحياتي

    العنصري
    الله يصلحك يالعنصري
    عارفك تحب البران كودك تلقالك أحد تسحبهنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    بس اخاف تلقاء جمس الهيئة مغرزنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي!!!!
    هههههههههه
    الله يحفظك

    إذا شئت أن تحيا ودينك سـالمٌ ***وحظُّك موفورٌ وعرضُكَ صَيِّـنُ
    لسانَك لا تذكر به عورة امرئ*** فعندك عورات وللناسِ ألسـنُ
    وعينك إن أبدت إليك معايبــاً ***لقوم فقل : يا عينُ للناس أعـينُ

  9. #9
    طالب مجتهد
    الصورة الرمزية أبو شادن عبيد

    حالة الإتصال : أبو شادن عبيد غير متواجد حالياً
    رقم العضوية : 5074
    تاريخ التسجيل : Jan 2007
    المشاركات : 195
    أبو شادن عبيد غير متواجد حالياً

    افتراضي


    اقتباس المشاركة الأصلية كتبت بواسطة KOQ مشاهدة المشاركة
    هههههههههههههههههه
    يازين سوالفك يا د.عبيد
    ولله انها جت بوقتها ... ضايق صدري والرحله قريب

    الا بشرني وش صار على فيزتك ؟

    تقولي البر ؟ درجه الحراره عندنا بالشرقيه ... فوق الاربعينات .. وانا بعت الجيب خلاص نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الله يوفقك ويحفظك
    تدري وش زينة هالقصة
    انها وسعت صدرك ياغااااالي
    جعل ايام سعيدة

    وسع صدرك والامور زينة ان شاء الله


    بس الله يصلحك اوسع صدر
    وانت تضيق صدري
    وتسأل عن هالفيزا الي ضيقت صدري وحاسة برنامجي
    الله يفرجها علينا وعليك وعلى جميع المسلمين

    يرجال الحر راااح وسهيل طلع ابشر بالبراااااد وفلة الحجاج
    بس والله العالم انا بنفااااخت فلة الحجاج ذا الربيع لعيوووون الدراسة الله يصبرنا
    موفق

    إذا شئت أن تحيا ودينك سـالمٌ ***وحظُّك موفورٌ وعرضُكَ صَيِّـنُ
    لسانَك لا تذكر به عورة امرئ*** فعندك عورات وللناسِ ألسـنُ
    وعينك إن أبدت إليك معايبــاً ***لقوم فقل : يا عينُ للناس أعـينُ

  10. #10
    طالب مجتهد
    الصورة الرمزية أبو شادن عبيد

    حالة الإتصال : أبو شادن عبيد غير متواجد حالياً
    رقم العضوية : 5074
    تاريخ التسجيل : Jan 2007
    المشاركات : 195
    أبو شادن عبيد غير متواجد حالياً

    افتراضي


    اقتباس المشاركة الأصلية كتبت بواسطة s3oood123 مشاهدة المشاركة
    قصه خطيييره......

    يعطيك العافيه اخوي
    لاتكون نااااوي تعلم الهيئة علي
    هههههههههه
    تراااهم ربعي كلهم

    إذا شئت أن تحيا ودينك سـالمٌ ***وحظُّك موفورٌ وعرضُكَ صَيِّـنُ
    لسانَك لا تذكر به عورة امرئ*** فعندك عورات وللناسِ ألسـنُ
    وعينك إن أبدت إليك معايبــاً ***لقوم فقل : يا عينُ للناس أعـينُ

صفحة 1 من 2 12 الأخيرةالأخيرة

المواضيع المتشابهه

  1. اربع اشياء تخليك تعرف انت مجنون ولا !!!
    بواسطة إبراهيم المشاري في المنتدى ساحة الترفية
    مشاركات: 8
    آخر مشاركة: 08-21-2007, 09:28 AM
  2. اربع خطوات تساعد في تنظيم الحياه
    بواسطة طارق بن زياد في المنتدى ساحة الموارد البشرية
    مشاركات: 0
    آخر مشاركة: 08-05-2007, 10:14 PM
  3. اربع نساء واربع امنيات
    بواسطة miss_green في المنتدى الساحة العامة
    مشاركات: 10
    آخر مشاركة: 06-18-2007, 12:20 AM
  4. اربع نظرات...انظر بعين التفاؤل دائما...كل يوم أحد..
    بواسطة قتيبة تركستاني في المنتدى الساحة العامة
    مشاركات: 4
    آخر مشاركة: 05-16-2007, 10:45 PM
  5. كيف تعامل اربع زوجات
    بواسطة المهاجر في المنتدى الساحة الإسلامية
    مشاركات: 5
    آخر مشاركة: 07-31-2006, 11:38 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator