لسلام عليكم ورحمة الله

أنا قصتي كالتالي... رحت أمريكا في يناير 2006 وانهيت سنه لغة انقليزية وجبت 550 في التوفل وبدأت أول فصل لي في الجامعة بتخصص ادراة الاعمال MBA

رجعت السعودية من 3 شهور ومباشرة قدمت على السفارة الامريكية عشان اجدد التأشيرة والى الآن ما أحد كلمني. أنا موعد سفري يوم 31 يوليو يعني قبل أمس وكون التأشيرة الى الان ما وصلت يعني اني ما راح ألحق على الترم الجاي وبالتالي لازم أنتظر للترم اللي يبدأفي يناير 2008 يعني انتظر 6 شهور هنا في الرياض هذا كله على افتراض ان التاشيرة بتطلع مع العلم يمكن تتاخر كثير أو يتم الرفض

عموما انا طلع في راسي شيب من كثر التفكير في التحويل من أمريكا لبريطانيا لاكثر من سبب ومنها رغبه بعض العزيزين علي بعدم العودة لأمريكا لكثرة المشاكل اللي تحصل للسعوديين. بعد تفكير كثير يبدوا اني عزمت على التغيير الى بريطانيا وهنا انا محتاج فزعة (أكررها فزعة) اخواني اللي سبقوني في الدراسة وأتمنى الرد على هالموضوع من الاخوان اللي بدأوا فعليا في دراسة الماجستير لأنهم هم اللي يمرون الان بالتجربة وبإمكانهم الرد من الواقع اللي يمرون فيه:

1. بعد التأخير اللي حصل لي أصبح عامل الوقت مهم جدا جدا جدا بالنسبه لي. وش الجامعات اللي برنامج ال MAB فيها قصير؟ أنا سمعت عن جامعات مدة البرنامج فيها مدته 12 شهر أو يمكن أقل

2. أبي جامعة ما تشترط الجيمات GMAT

3. كأني فهمت من أحد الزملاء إن الماجستير في بريطانيا نوعين : ماجستير بحثي يطلب من الطالب فيه الكثير من البحوث ويختتمها بإعداد رسالة الماجستير. النوع الثاني ماجستير دراسي وفيه الطالب يدرس عدة مواد في الجامعة ويختبر فيها وانتهى الموضوع ( مثل البكالوريوس في جامعاتنا السعودية ). انا أرغب في النوع الدراسي ولا أرغب في الماجستير البحثي لأني ماعندي اي نيه أكمل دكتوراه ولا يهمني اكون باحث. انا عندي خبرة 5 سنوات وعارف ان المطلوب هو ماجستير (أي ماجستير ) من برا السعودية

4. حاولت من كذا يوم ادخل على قائمة الجامعات المعترف فيها في تخصص ادراة الاعمال MBA في بريطانيا بس الرابط في موقع وزارة التعليم العالي ما يشتغل. هل فيه أحد عنده القائمة؟

5. في أمريكا الطالب مخير يبدا الماجستير متى مايبي, بفصل الربيع spring اللي يبدا من يناير الى نهاية ابريل أو بفصل الصيف اللي يبدا من مايو الى يوليو أو فصل الخريف fall اللي يبدا من آخر أغسطس الى منتصف ديسمبر.... هل في بريطانيا نفس الشي ولا فيه تواريخ معينه للبداية والنهاية

اتمنى اني ما أكون أطلت وان شاء الله القى ردود من أخواني طلبة ال MBA

بالتوفيق للجميع

مشعل الشمري