-نـاقص ختم من الدور العاشر في المكتب الاخير على يدك اليمين.... أبشر أبشر ألحين اروح اسويه.

- روح ولا تجي ألحين لأني بطلع أصلي الظهر تعال بكره.

(موظف حكومي على عرشه)


المواطن: السلام عليكم.

الموظف : وعليكم السـ... نعم؟؟

المواطن : بس عندي معاملة ابيك ...

الموظف : قلنا لك تعال بكره ياخي ماتشوفنا نشتغل وش تبينا نسوي يعني

(مواطن مسكين ماله معارف بالوزارة)



من المفاهيم السعودية الخاطئه انه عندما توجه انتقاد الى اي شيء متعلق بالحكومة ينظر اليك نظره ناكر الجميل الذي
لايستحق النعمة. ونكتفي بالسكوت، لكن المصيبة من كثرة السكوت يحسبونا راظين، لما تنتقد يعني انت تفتح عين المسؤول
على اخطاءه وما اكثر الاخطاء عندنا، نكاد نكون ملوك البيروقراطية والقنوانين الاعتباطية، فجأة قرار وفجأة يلغونه
ما علينا. لكن اكثر شي يعصبني لما يكون القرار تحصيل حاصل وواضح ولو جبت طفل عمره عشر سنين قالك بالمنطق
يصير كذا. يجيك الموظف ويقول لا مايصير لازم خطاب، لازم ختم لازم توقيع. والله الوضع مزري ومخزي ان كان في وزاراتنا
ولا غيرها.
عموماً الفكرة الي حبيت اوصلها ان الانسان انولد بعقل وفكر ومافيه شي بالدنيا يمنعك تفكر وتقول هذا صح وهذا غلط
ولما تقول هذا غلط معناه انك تبي تحسن ، ياليت نوصل للمرحلة هذي عشان يبدون يسمعونا. لأنه من خلال نقاشات كثيره
مع الشباب لما ننتقد اي خطأ حكومي يصير الناقد من اكبر الخونه في التاريخ، اخيراً

ارفع راسك انت انسان

والسلام