الموضوع: تكفون أبي النصيحة ياشباب

ياشباب أنا مقدم على البعثة وجات بعد المشقة وأبي أسألكم بالله ياشباب الدارسيين بأمريكا أوأي دولة هلى تنصحوني أن أذهب و لا أجلس لأن بعض الزملاء يقول فيه شباب نعرفهم طلعوا إلى أمريكا و يبون يرجعون بأي طريقة و متحسفين على طلعتهم لأن المكافئة ماتكفيهم و الحياة هناك صعبة جداً من الغلا اللي فيها و الغربة صعبة و عليهم مضايقات من الأمريكان فهل هذا صحيح أبيكم توضحون لي الحياة و الدراسة هناك و هل كلامهم صحيح و لا حسد عشان ما أطلع تكفوووووووووووووووووون أفيدوني ياشباب و الله يرحم و الديكم بأسرع و قت و أعتبروني أخوكم الصغير .




محبكم / أبو نايف !!!!!!!

شوف انا لارحت بعثه ولا اعرف شي عن امريكا ولا غيرها

ولكن !

تبي نصيحتي هذي فرصه وغيرك كثير يتمناها


اذا تبي تحقق اللي تتمناه تحمل الغربه

وماظن ان المكافأه ماتكفي وحتى لو ماتكفي عيش على قدك

وفكر بلما ترجع كيف راح يكون وضعك

واستفيد قد ماتقدر من تعليمك بالخارج

واذا على المظايقات تجنبهم او حاول تكسبهم

او خلك بارد معاهم لابعد الحدود


والله يوفقك ان شاء الله

انت عليك بالاستخارة ..

والله يكتب لك اللي فيه الخير ..

اانا مستعد اعيش على المكافاءه بس دخيل الله يلحقوني بالبعثه اهم شي الدراسه والشهاده وانا اخوك انا اتمناها وهي امنيه عمري ان اكمل الدراسه لاني ادرس على حسابي الخاص واذا خلصت الفلوس ارجع على طول الى بيت امي