النتائج 1 إلى 10 من 10
  1. #1

    افتراضي وصلت كندا .. وش تسوي ؟؟

    وصلت كندا .. وش تسوي ؟؟

    السلام عليكم ورحمه الله وبركاته

    أعزائي أعضاء وزوار المنتدى العزيز والغالي على قلوبنا
    حبيت أذكر لكم بعض الأشياء الأساسيه الي لازم تسويها أول ما توصل لكندا طبعا إذا كنت أول مره تروح
    وزي ما أقول دائما الموضوع قابل للإضافه لأني أتكلم عن واقع تجربتي بس وأكيد أن باقي الشباب لهم تجارب ثانيه

    بسم الله الرحمن الرحيم

    أول شي تسويه بعد ما توصل بالسلامه وترتاح وتفضي شنطتك وترتب أغراضك
    بعد ما تدخل غرفتك دور على مكان أمين جدا جدا جدا تحط فيه جوازك حاليا ولا تقول يكفي أني أقفل عليه الباب لأن غرفتك راح يدخلها ناس في غيابك يعني راح يدخلها سواء كنت ساكن مع عائله ولا في سكن جامعي حط ذا الشي في راسك زين ويا شينها من حاله لو ضيعت جوازك هناك
    بعد ماتروح لمقر دراستك وتطلع هويه تكون معاك يومياً تقدر تروح للبنك الي مخطط تفتح فيه حسابك وتحط الجواز في : صندوق امانات SAFETY BOX ... او في اي بنك وتقريبا يكلف 40$ في السنه .. رخيص جداً وتريح عمرك .

    أكتب عنوان سكنك في ورقه لا تضيعها وخلها معك في بوكك مثلا ولا تقول خلاص حفظت العنوان ترا أسامي الشوارع خصوصا في فانكوفر او تورونتو متشابه ومتشابكه و يقل عندهم طرق سريعه علشان تحفظ عليها يعني الدعوه متاهه أنت جرب تروح وترجع من السكن على ذاكرتك في البدايه لكن خل الورقه معك لا تقول ما قالوا لي أعضاء المنتدى

    ريحت الحين وخذت لك كاسين شاهي لا تتمدد أو تقول بأتلين شوي قم أنقز ورح لأقرب بنك أفتح لك حساب هناك حتى لو أنك ما شلت كاش أفتح حساب علشان تحط فيه أي مبلغ معك لو كان مئه دولار بس
    بعض البنوك يمكن يقولون لك محتاجين كفيل لكن انا ماصارت معي الحمدلله
    عموماً المدرسه الي تدرس فيها راح تساعدك في ها الشي وإذا كانت العائله الي أنت ساكن معها حبيبه هم بيكفلونك

    حلو أطلع الحين وخذ لك لفه على حارتكم الي أنت ساكن فيها طبعا لا تطلع الا في النهار لين تعرف وش وضع الحي هو آمن ولا لا لأن فيه بعض الأحياء الشرطه تحذر من الخروج فيها ليلا ولا تعتمد على كلام العائله الي أنت ساكن معهم لأنهم أكيد بيسوون دعايه لحارتهم وبيقولون آمنه وتروح فيها لاسمح الله .. واهم شي وكنت بروح فيها لو لا لطف الله .. اسأل العائله وخلهم يكتبون لك الشوارع الخطره الي يكون فيها سلاح وبياعين مخدرات ودعاره والاشياء الخطره فيه لها شوارع معينه لابد انك تاخذ الحذر وتكون حافض الشوارع زي اسمك علشان لاقدر الله ماتروح لها بالغلط او فيه محل او حديقه قريبه من هالمكان وتروح هناك وتضيع او شي من هالقبيل لاقدر الله .
    طبعا الهدف من انك تاخذ لك لفه على الحاره هو أنك تعرف المحلات القريبه منك والي يمكن تحتاجها من وقت لثاني دور على أقرب بقاله دور على أقرب مطعم مثلا وتحس أنه مناسب ومحلات يمكن أنك تحتاجها علشان تعرف القريب منها والبعيد

    طبعا خلال الوقت الي أخذت فيه لفه في الحاره دور على الباص ستوب الي هي لوحات مرسوم عليها باص وهي الأماكن الي يتوقف فيها الباصات وبإمكانك إنتظار الباص بالقرب من اللوحه
    (الباص إذا ركبت فيه أطلب من السواق الترانزفير أو شي زي كذا هي عباره عن ورقه صغيره تثبت أنك دفعت للباص حق ركوبك وإذا أنت متوجه لمكان معين مثلا لازم تاخذ طريق متوجه شمال أول بعدين طريق متوجه شرق عليك أنت تركب الباص متوجه شمال وإذا وصلت للشارع الي تبي تتوجه عليه شرق أنزل من الباص ودور على باص ستوب ثاني على الشارع الي تبي تتوجه عليه شرق وإذا ركبت باص مره ثانيه لا تدفع يكفي أنك توريه الورقه الي أعطاك إياها الباص الأول ملاحظه الورقه هذي تمشيك لمدة ساعه ونص يعني تروح وترجع عادي "بالنسبه لفانكوفر"
    اذا كنت واصل للديره من فتره 1-10 من الشهر الافضل انك تشتري كرت للباص وللقطار بنفس الوقت يعتمد على مكان البيت الي انت ساكن فيه فمثلا اذا انت ساكن زون 1 ب 69 دولار ولونها اصفر برصاصي
    اما زون 2 تقريباً بالتسعينات لكن ماني متأكد بالضبط ولونها احمر برصاصي
    بالنسبه للكرتين هذولي الوقت مفتوح تروح زي ماتروح مافيه اي مشكله مافيه وقت محدد لكن اذا جيت بتاريخ 15 ومافوق لاتشتريه لانك راح تخسر لانها مدتها شهر فالأحسن انك تبدى بإستعمالها من اول الشهر .

    اما بالنسبه للدفع للباص بصراحه يسوي لك لخبطه أحيانا لأنه ممكن مايكون معك صرف والسواق ما يصرف لك بالعربي مهوب فاضي علشان كذا أنا أفضل أنك تروح لأي بقاله وتشتري تذاكر خاصه بالباص تكون أرخص وشيلتها أريح من شيل القروش والصرف

    هذا بالنسبه للمواصلات مبدئيا بالنسبه للإتصالات نظام الإتصالات في كندا رخيص جدا جدا جدا لدرجه أنك تشتري كرت إتصال للسعوديه فيه 600 دقيقه بما يعادل 30 ريال طبعا إذا بتتصل على ثابت أرخص بكثير من أنك تتصل على جوال أنا أتكلم عن إتصالك بأهلك في السعوديه على ثابت
    كرت اإتصال تلقاه عند أقرب بقاله وأطلب منه الأفضل للإتصال بالسعوديه وأنا أذكر أن بطاقه بيج تايم big time أفضل شي تقريبا لكن بتلاحضون نصب موطبيعي عادي لاتستغربون يعني بتشتري بطاقه جديده وبيقولك مثلا لك نص ساعه ولما تكلم 5 دقايق المفروض يبقى 25 دقيقه لكن للأسف يبقى تقريباً 10 او 15 دقيقه بالكثير لان النصب يمشي بالدم .


    إذا تبغا تطلع جوال علشان تكلم داخل كندا زملائك وأخوياك أنصحك تروح لشركه فايدو عندهم نظام شريحه جوال بمكالمات محليه مفتوحه يعني بدون فاتوره رسوم بس تكلفك تقريبا من 50 إلى 60 دولار شهري حسب الخدمات الي تبغا تضيفها عليها وطبعا كبدايه راح ياخذون منك مبلغ إضافي للتأسيس ما أذكر كم بس تقريبا حوالي 50 دولار
    او اذا انت راعي مكالمات الافضل انك تطلع شريحه شهريه وبياخذون عليك تأمين 50 دولار وتقدر تدق على السعوديه بدون كرت .. على طول لكن اذا احد دق عليك راح يحسب عليك جزء من المبلغ وترا بتطلع الفاتوره شوي غاليه يعني كذا ولا كذا الأفضل ان الي بيتصل عليك تخليه يتصل على منزل العائله افضلك .

    * هنا أرجع أأكد على سالفه أنك تاخذ معك بطاقه فيزا أو ماستر كاد لأن فيه خدمات كثيره ما تقدر تدفعها كاش لازم يكون معك بطاقه إئتمانيه ... على سبيل المثال ماتقدر تطلع رقم جوال شهري (فاتوره)
    الا بفيزا وعلى هذا فأحكم .

    بيني وبنكم مخي قفل وما عاد أذكر شي بس هذي الأشياء الأساسيه الي أذكرها وياليت من الأعضاء يشاركونا بتجاربهم ويذكرون الشباب بالي ما ذكرته لهم أو الي عندهم آراء ثانيه يضيفونها علشان تعم الفائده
    بالتعاون مع منتدى شبكة الطلاب السعوديين في كندا
    الي يحب النبي صلى الله عليه وسلم يسمعنا الصلاة والسلام عليه .


  2. #2
    طالب مجتهد
    الصورة الرمزية كنداوي

    حالة الإتصال : كنداوي غير متواجد حالياً
    رقم العضوية : 43
    تاريخ التسجيل : Feb 2006
    الدولة : oo
    المشاركات : 457
    كنداوي غير متواجد حالياً

    افتراضي


    مليووووووووون شكر يا مبدع

    اللهم انصر الاسلام والمسلمين
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3

    افتراضي


    يسلمو على مرورك كنداوي ياعسل .


  4. #4
    طالب جديد

    حالة الإتصال : وافي 1234 غير متواجد حالياً
    رقم العضوية : 5911
    تاريخ التسجيل : Feb 2007
    المشاركات : 81
    وافي 1234 غير متواجد حالياً

    افتراضي


    فعلاً موضوع مفيد جدا

    أشكر الجميع على جهودهم المباركة

    وأسأل الله أن يثبتنا على دينه

    وان يوفقنا لما يحب ويرضى

    أخوكم المحب لكم في الله

    اللهم صلي وسلم وبارك على نبينا محمد

  5. #5
    طالب جديد
    الصورة الرمزية بيلسان

    حالة الإتصال : بيلسان غير متواجد حالياً
    رقم العضوية : 5869
    تاريخ التسجيل : Feb 2007
    المشاركات : 47
    بيلسان غير متواجد حالياً

    افتراضي


    هذا اللي الناس تحتاجه .. تجارب شخصية نستفيد منها

    الله يسهل لنا ويرزقنا القبول في البعثة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    جزاك ربي الجنة على الموضوع المفيد

    |--*¨®¨*--|يااااااارب تتسهل أموري وأحقق حلمي بالدراسة في أفضل الجامعات الكندية وأحضر الماجستير بعد التخرج

    |--*سبحان الله وبحمده ¨®¨*--|

  6. #6
    مشرف سابق
    الصورة الرمزية نهيان بن سيف المنصوري

    حالة الإتصال : نهيان بن سيف المنصوري غير متواجد حالياً
    رقم العضوية : 7563
    تاريخ التسجيل : Apr 2007
    المشاركات : 468
    نهيان بن سيف المنصوري غير متواجد حالياً

    افتراضي


    أخويه الغالي مغترب يعطيك الف عافيه عالمعلومات الذهبية اللي قدمتها للجميع وبصراحه اسلوبك في سرد الموضوع راااااااااااااااااائع جدا هههههههههههههه ياخويه تحسس القارئ انه يعيش الوضع من الاسلوب .

    لاعدمناك يالغالي انشالله


  7. #7
    طالب جديد
    الصورة الرمزية اللؤلؤي

    حالة الإتصال : اللؤلؤي غير متواجد حالياً
    رقم العضوية : 6499
    تاريخ التسجيل : Mar 2007
    المشاركات : 57
    اللؤلؤي غير متواجد حالياً

    افتراضي


    مشكور اخوي على معلوماتك
    وهذا اللي نبيه اصلا الخبرة والتجربه
    والف الف الف شكر



    اللؤلؤي


  8. #8
    طالب جديد


    حالة الإتصال : ناعم العود غير متواجد حالياً
    رقم العضوية : 7961
    تاريخ التسجيل : May 2007
    المشاركات : 26
    ناعم العود غير متواجد حالياً

    افتراضي


    جداً روعــــــــــــــة هدا الي نبية تجارب شخصية مفيدة
    مشكــــــــــــــــــور اخوي على الموضوع الرائع
    اخوك ناعم العود


  9. #9
    موقوف
    الصورة الرمزية أحمد العنقري

    حالة الإتصال : أحمد العنقري غير متواجد حالياً
    رقم العضوية : 5998
    تاريخ التسجيل : Feb 2007
    المشاركات : 847
    أحمد العنقري غير متواجد حالياً

    افتراضي


    ممتاز ورائع


  10. #10
    مشرفه سابقه
    الصورة الرمزية الدكتورة زينب

    حالة الإتصال : الدكتورة زينب غير متواجد حالياً
    رقم العضوية : 39
    تاريخ التسجيل : Feb 2006
    المشاركات : 251
    الدكتورة زينب غير متواجد حالياً

    افتراضي أداءُ النوافِلِ في البيت

    أداءُ النوافِلِ في البيت

    يقولُ مُعلمُنا الأول صلى الله عليه وسلم (إن خير صلاةِ المَرءِ في بيتهِ إلا المَكتوبة) مُتفقٌ عليه.

    ويقول صلى الله عليه وسلم (فضلُ صلاةِ الرجُل في بيتهِ على صلاتهِ حيثُ يراهُ الناس كفضلِ المكتوبةِ على النافِلةِ) حسنهُ الألباني.

    ويقولُ صلى الله عليه وسلم (صلاةُ الرجُل تطوعاُ حيثُ لا يراهُ الناس تعدِلُ صلاتهُ على أعيُن الناس خمساً وعشرينَ) صححهُ الألباني.

    ومن ثمراتِ أداء النوافل في البيت:

    1-أنها سببٌ لتمام الخشوع والإخلاص والبُعد عن الرياء.

    2-أنها سببٌ لنزول الرحمة في البيت وخروج الشيطان.

    3-أنه سببٌ لمُضاعفة أجرها.

    * من يخشى نسيانهُ أو انشغالهُ عن أداء النافلة بعد الخروج من المسجد فليؤدها فيه حتى لا يفوتهُ فضلها.

    كنت هنا ومضيت ..
    .
    .

المواضيع المتشابهه

  1. كيف تفوزين بزوج صالح
    بواسطة سدرة المنتهى في المنتدى الساحة العامة
    مشاركات: 5
    آخر مشاركة: 03-21-2010, 07:29 AM
  2. وش تسوي لو إنك في مثل هالمواقف .
    بواسطة oldwolf في المنتدى إبداع أنامل و الصور
    مشاركات: 2
    آخر مشاركة: 09-29-2007, 08:31 PM
  3. تسوي خير تلقى ؟
    بواسطة متعب الأحمد في المنتدى واحة اتحاد الطلبة السعوديين الأدبية
    مشاركات: 3
    آخر مشاركة: 09-01-2007, 08:03 AM
  4. بريطانيا تزود السعودية بمقاتلات
    بواسطة أحمد الشهري في المنتدى الساحة العالمية
    مشاركات: 7
    آخر مشاركة: 09-29-2006, 12:14 AM
  5. ربما ترزقين بزوج
    بواسطة سدرة المنتهى في المنتدى الساحة العامة
    مشاركات: 4
    آخر مشاركة: 05-27-2006, 02:22 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML

منتدى اتحاد الطلبة السعوديين

↑ Grab this Headline Animator